1. Rajengro liil 11:9 - O Debleskro Drom 2021 (Sinte)

^9-10 Jaake kras o Salomo gar, hoi o baro Dewel lestar kamella, kowa, kai o Israeleskro Dewel hi, un mukas pes leske dui kope te dikell, un penas leske, te mangell lo gar wawar deblen an. Ap kowa rikras pes o Salomo gar. Un o baro Dewel was chojedo ap leste,

O Debleskro Lab 2024 (Sinte-Manouche)

^9-10 Yaake kras o Salomo gar, hoy o baro Devel lestar kamella, kova, kay o Israeleskro Devel hi, oun moukas pes leske douy kope te dikell, oun penas leske, te mangell lo gar vavar deblen an. Ap kova rikras pes o Salomo gar. Oun o baro Devel vas rhoyedo ap leste,

1. Rajengro liil 11:9 ပူးပေါင်းရင်းမြစ်များ

2. Samuel 11:27

Har his kol diwessa trujel, kai li rowas, bitchras o David jekes pash late, un mukas lat an peskro kheer te anell. Un joi was leskri romni, un anas leske i tchawo ap i phub. Glan o baro Debleskre jaka his kowa gar mishto, hoi o David kras.

2. Samuel 6:7

Kowa hunte krals lo gar. Job hunte tapras gar i Debleskro koowa an. Koi was o baro Debleskri choli pral o Usa. Un o Dewel maras les koi. Un job meras koi pash o Debleskro mochton.

1. Rajengro liil 11:8

Un peskre tsele romjenge, kai dran wawar themma wan, kras lo ninna mulne platse, kai nai chatchrenn jon sungepaskro koowa un viechen pengre deblenge.

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

1. Rajengro liil 9:2

kote mukas pes o baro Dewel o Salomestar i duito kopo te dikell, jaake har job pes glan leste an o foro Gibeon mukas te dikell.

1. Familjakro liil 21:7

Kau tselo koowa his djungeles glan o Debleskre jaka. Doleske das lo i Israelenge i phagi.

2. Mose 4:14

Un har penas o Mose kowa, las o baro Dewel choli ap o Moseste, un job penas ap leste: “Tiro phraal, o Levitari Aron, me djinau, te haiwell lo mishto te rakrell. Shun, job wella pash tute. Un te dikell job tut, palle hi les baro shukapen an peskro dji.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

4. Mose 12:9

Un o baro Debleskri choli was pral lende. Un job djas krik.

5. Mose 3:26

O baro Dewel his chojedo pral mande dran kowa har tumer hans, un shunas doleske gar ap mande. Un penas: “Muk tele! Kanna hi doha! Rake mange gar buder pral ko koowa!

5. Mose 7:4

Kol tcha anens tumare mursh tchawen o baro Debleskro dromestar tele, jaake te mangens le wawar deblen an. Palle wals o baro Debleskri choli pral tumende, un sik marals job tumen.

5. Mose 9:20

Ninna ap o Aron his o baro Debles i bari choli, un job kamas les te marell. Un me mangom an ko tsiro ninna o Aroneske.

5. Mose 9:8

Un pash i berga Horeb kran tumer o baro Debles jaake chojedo, te kamas lo tumen te marell.

2. Timoteo 4:10

O Demas mukas man, un djas an o foro Tessalonika. Job kamell o djipen ap kai phub. O Kreskens djas an o them Galatia, un o Tito an o them Dalmatia.

1. Samuel 15:11

“Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.