1. Rajengro liil 11:7 - O Debleskro Drom 2021 (Sinte)

⁷ Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

O Debleskro Lab 2024 (Sinte-Manouche)

⁷ Ap i berga glan o foro Yerusalem kras o Salomo i moulni platsa, kay mangan le o djoungelo debles an, kay kharell Kemosh. Koles mangan i Moabarya an. Ninna kras lo i moulni platsa, kay mangan le o Molok an, ko djoungelo debles, koles i Ammonarya an-mangan.

1. Rajengro liil 11:7 ပူးပေါင်းရင်းမြစ်များ

1. Mose 33:2

Un job tchiwas kol dui budepangre pengre tchawentsa glan i wawarende. Pal lende tchiwas lo i Lea pengre tchawentsa un pal kolate i Rachel un o Josef.

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

1. Rajengro liil 11:5

Un o Salomo mangas i debletsa Astarte an, hoi his koi debletsa fun i Sidonarja. Ninna o debles Milkom mangas lo an, ko djungelo debles, koles i Ammonarja an-mangan.

1. Rajengro liil 11:6

Un o Salomo kras, hoi djungelo his glan o baro Debleskre jaka. Un job djas gar peskro tselo djijeha ap o Debleskro drom har kowa leskro dad, o David, kras.

1. Rajengro liil 11:8

Un peskre tsele romjenge, kai dran wawar themma wan, kras lo ninna mulne platse, kai nai chatchrenn jon sungepaskro koowa un viechen pengre deblenge.

1. Rajengro liil 15:12

Un job tradas kol murshen un djuwjen win dran o them, kai bikran pen lowenge ap kol platse, kai wan i mule debla an-mangedo. Un i tsele figuren kol mule deblendar, hoi leskre phure kran, mukas lo krik te anell.

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

2. Familjakro liil 21:11

Ninna kras lo mulne platse ap i berge an o them Juda, kai i menshe i mule debla an-mangan. Jaake anas lo i menshen an Juda un an Jerusalem o baro Debleskro dromestar tele.

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

Jesaja 44:19

Sawo mensho haiwell gar, hoi lo krell. Tchi djal an leskro shero, un kek goswepen hi an leste, jaake te penals lo peske: “O paash kolestar chatchrom an i jag, un ap koi jag pekom maro un mass, un chom les. Un ko wawar paash kolestar, krap i dewel, glan koleste me man tele ap i phub witsrap? Glan i kotar kasht?”

Jeremia 32:31

Bari choli chatchas an mande pral kau foro jaake rah har lo tardo hi. Doleske hunte tchiwap les glan mande krik, te dikap les buder gar.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Jeremia 48:46

Har djungeles djal tuke, tu them Moab! Nashedo hi kol menshe, kai o debles Kemosh an-mangan; tire tchawe un tire tcha wan anlo an o pandepen.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 12:11

Un ko tsirestar, kai anenn le buder gar hako diwes viechen o Debleske, un kai tchiwenn le koi djungeli tchilatchi figura pre, hi 1.290 (jek-sero-dui-sheel-te-enja-deesh) diwessa.

3. Mose 26:30

Me krau kol mulne platse paash, kai tumer tumare deblenge viechen chatchrenna. Un kol boba, kai tumer lenge sungepaskro koowa chatchrenn, phagau khetne. Tumare mulen witsrau ap kol paash-dine figuren, un tumendar kamau buder tchi te djinell.

Micha 1:5

Kowa halauter well dran o tchilatchepen, hoi o Jakobeskre tchawe kran. O kheer Israel djas peskro Debleskro dromestar tele. Koon anas i Israelitarja jaake dur, te mukan le pengro Debleskro drom? Kowa his o foro Samaria! Koon anas o kheer Juda jaake dur, te mangan le wawar deblen an? Kowa his o foro Jerusalem!

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

4. Mose 21:29

Djungelo tuke Moab! Tumer menshe ko deblestar Kemosh han nashedo. Tire tchawe wan dino un nashan, un tire tcha wan pandlo anlo pash o Sihon, ko baro rai pral i Amorarja.

4. Mose 33:52

hunte tradenn kol tsele menshen, kai djiwenn kote, glan tumende krik. Un lengre tsele barrengre un sasterne deblen, hoi kran jon penge, krenn paash, ninna kol pre-tchidde barra.

Mateo 26:30

Un palle giwan le o Debleske i gili, un djan win pash o djeteskri berga.

Bičepangre 1:12

Palle djan jon o djeteskri berga tele un pale an o foro Jerusalem. Koi berga his gar dur kau forestar krik.

Bičepangre 1:9

Har job kowa penas, was job glan lengre jaka an o bolepen hadedo, un i wolka las les pre.

Bičepangre 7:43

Tumer hidjran ko kheer trujel, kai o Moloch dren hi. Ninna hidjran koi bolepaskri momeli tumentsa, kai Refan kharedo wella. Kol dujen kran tumer tumare wastentsa, te nai mangenn len an. Doleske tradau me tumen dran tumaro them win, un anau tumen pandlo an o them Babilonia, un dureder.

5. Mose 13:14

te hi kote tchi-molde, kai anan wawaren o tchatcho dromestar tele un penan: ‘Awenn, mer djas un mangas wawar deblen an, kolen tumer gar prindjrenn’,

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

Čačepangre 11:24

Hi gar jaake? Te tradals tiro Dewel, o Kemosh, wawar menshen dran lengro them win, lals tu palle gar kolengro them dren? Muk men ko them dren te lell kolendar, kai maro baro Dewel glan mende win tradas!