1. Rajengro liil 11:36 - O Debleskro Drom 2021 (Sinte)

³⁶ Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

O Debleskro Lab 2024 (Sinte-Manouche)

³⁶ Leskro čaves moukau yek kotar. Yaake hi an hako tsiro i čavo o Davidestar o ray an o foro Yerusalem. Kava foro rodom me mange vin, te djivap kote.

1. Rajengro liil 11:36 ပူးပေါင်းရင်းမြစ်များ

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

2. Samuel 22:29

Awa, tu baro Dewel, hal miri momeli, un kreh miri rati jaake har wals diwes.

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

2. Samuel 7:29

Kanna tchip tiri bacht pral mande un mire menshende, te atchenn le glan tute hako tsiro, jaake har tu baro Dewel, miro rai, rakral. Muk te well tiri bacht un tiri soor ap mire menshende hako tsiro!”

1. Rajengro liil 11:13

Un gar o tselo them lau lestar krik. Me mukau tiro tchaweske jek kotar them, kai i menshe jek tchawestar o Jakobestar djiwenn. Kowa krau o Davideske, kai mange koi his, un dran o foro Jerusalem krau me kowa. Ko foro rodom me mange win.”

1. Rajengro liil 11:32

Kokres i menshen, kai wenn o Jakobeskro tchawestar, o Juda, un lengro them mukau o Salomeske. Kowa krau o Davideske, kai mange koi his, un ko foreske Jerusalem, ko foro, hoi me rodom mange win dran o tselo them Israel.

1. Rajengro liil 11:37

Tut lau mange me, te wess rai pral halauter, hoi tiro dji kamella. Un tu weh mange o rai pral Israel.

1. Rajengro liil 12:17

Kokres pral i menshende, kai an i forja an o them Juda djiwenn, atchas o Rehabeam o baro rai.

1. Rajengro liil 14:21

Un o Salomeskro tchawo, o Rehabeam, was o baro rai pral o them Juda. 41 (star-deesh-te-jek) bersh his lo phuro, har job baro rai was, un 17 (deesh-te-efta) bersha his lo baro rai an Jerusalem, ko foro, hoi o baro Dewel rodas peske win dran o tselo them Israel, te nai mangenn le les kote an. Un i dai o Rehabeamestar his i Naama. Joi his dran o them Ammon.

1. Rajengro liil 15:4

Ninna te his jaake, das les leskro baro Dewel i tchawes, te well job baro rai pal leste an o foro Jerusalem, te djal Jerusalem gar tele. Kowa kras o baro Dewel o Davideske.

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

1. Rajengro liil 8:29

Rike tire jaka pre pral kau kheer an i rati un ap o diwes! De jak ap ko kotar phub, kolestar tu penal: Kote kamau te mangenn tumer man an. Shun man, miro rai, te rakrau kate tuha!

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

2. Rajengro liil 8:19

Ninna te djiwas lo sau tchilatcho djipen, kamas o baro Dewel i menshen an o them Juda gar te marell. Glan i rah tsiro penas job peskro budepaskreske David, te well jek kolendar, kai pal leste wenna, baro rai hako tsireske.

2. Familjakro liil 12:13

Un o Rehabeam was pale i sorelo rai an o foro Jerusalem, un atchas o baro rai pral o them Juda. Leskri dai his i Naama, dran o them Ammon. Har was lo baro rai, his lo 41 (star-deesh-te-jek) bersha. Un 17 (deesh-te-efta) bersha his lo baro rai, un djiwas an ko tsiro an o foro Jerusalem, ko foro, hoi rodas pes o baro Dewel win dran i tsele forja an Israel, te well lo kote an-mangedo.

2. Familjakro liil 21:7

Ninna te djiwas o Joram sau tchilatcho djipen, kamas o baro Dewel o Davideskri familja gar te marell, koleske hoi job o Davideha win kras. Job penas leske, te well jek kolendar, kai pal leste wenna, baro rai hako tsireske.

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.

Debleskro tsiro 21:10

Un o Debleskro Ducho was ap mande. Un o bolepaskro anas man ap i bari, bari berga, un sikras mande o Debleskro foro Jerusalem, har ko foro tele was o Deblestar dran o bolepen.