1. Rajengro liil 11:31 - O Debleskro Drom 2021 (Sinte)

³¹ Un job penas ap o Jerobeam: “Le tuke deesh kotja! O baro Dewel, kai o Israeleskro Dewel hi, penell: Dik, me krau, te atchell o Salomo buder gar o rai pral o tselo Israel. Tuke dau i menshen, kai wenn deesh tchawendar o Jakobestar, te wess rai pral lende un lengro them.

O Debleskro Lab 2024 (Sinte-Manouche)

³¹ Oun yob penas ap o Yerobeam: “Le touke deesh kotya! O baro Devel, kay o Israeleskro Devel hi, penell: Dik, me krau, te ačell o Salomo bouder gar o ray pral o tselo Israel. Touke dau i menshen, kay venn deesh čavendar o Yakobestar, te vess ray pral lende oun lengro them.

1. Rajengro liil 11:31 ပူးပေါင်းရင်းမြစ်များ

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

1. Rajengro liil 12:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

1. Rajengro liil 14:2

Kote penas o Jerobeam ap peskri romjate: “Rib tuke wawar ripja pral, te dikell kek, te hal tu miri romni. Un dja an o foro Shilo! Kote hi o Achija, ko Debleskro rakepaskro. Kowa penas mange, te wap o rai pral o them Israel.

1. Rajengro liil 14:8

Un me krom, te was buder kek o Davideskre tchawendar o rai pral o them. Tut lom, te wess lengro rai. Un tu hals gar har o David, kai mange koi his, un ko rikras mire laba, un djas peskro tselo djijeha ap miro drom, un kras, hoi glan mire jaka mishto hi.

2. Rajengro liil 17:21

O baro Dewel tchinas i Israelitarja tele kol menshendar Juda, jaake te his le buder gar jek them. Un i Israelitarja lan o Jerobeames, koleskro dad o Nebat his, te well lo lengro baro rai. Un kowa anas i Israelitarjen o baro Debleskro dromestar tele un kras, te anan le bari doosh ap pende.

2. Familjakro liil 10:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

1. Samuel 15:27

Har rissras pes o Samuel trujel, te djal lo peske, tapras o Saul les ap leskri baja, jaake te atchas i kotar an leskro wast.

1. Samuel 15:28

Koi penas o Samuel ap leste: “Jaake har lal tu sorjah ko kotar than dran miri baja win, jaake las o baro Dewel peskre menshen Israel sorjah dran tiro wast win, te wess tu buder kek rai pral lende. Un job kras i wawares rai pral lende, jekes kai hi feteder har tu.