1. Rajengro liil 11:29 - O Debleskro Drom 2021 (Sinte)

²⁹ His i diwes, koi djas o Jerobeam dran o foro Jerusalem win, un o Debleskro rakepaskro, o Achija dran Shilo, dikas les ap o drom. Koles his i newi plaashka ap peste. Un jon dui his kokres win glan o foro, kai kek wawar mensho his.

O Debleskro Lab 2024 (Sinte-Manouche)

²⁹ His i dives, koy djas o Yerobeam dran o foro Yerusalem vin, oun o Debleskro rakepaskro, o Ahia dran Shilo, dikas les ap o drom. Koles his i nevi plaashka ap peste. Oun yon douy his kokres vin glan o foro, kay kek vavar mensho his.

1. Rajengro liil 11:29 ပူးပေါင်းရင်းမြစ်များ

1. Mose 4:8

O Kain penas ap peskro phraleste Abel: “Am! Djas win ap o them!” Un har jon win ap o them his, hadas pes o Kain ap peskro phraleste Abel un das les mulo.

1. Rajengro liil 11:11

un penas ap leste: “Tu rikral tut gar ap kowa, hoi tuha win krom un rikral tut gar ap mire laba, hoi tuke penom. Doleske lau tiro them tutar krik, te atchess buder gar rai. Un dau kau them jekeste kol pralstunendar an o them.

1. Rajengro liil 12:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

1. Rajengro liil 14:2

Kote penas o Jerobeam ap peskri romjate: “Rib tuke wawar ripja pral, te dikell kek, te hal tu miri romni. Un dja an o foro Shilo! Kote hi o Achija, ko Debleskro rakepaskro. Kowa penas mange, te wap o rai pral o them Israel.

1. Rajengro liil 14:4

Un leskri romni kras kowa, un kras pes ap o drom, un djas an o foro Shilo, un was an ko kheer, kai o Achija djiwell. O Achija his jaake phuro, te nai dikas lo buder gar.

2. Familjakro liil 10:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

2. Familjakro liil 9:29

Ko tselo wawar koowa, hoi pral o Salomo penepaske hi, kowa hi tchinlo an o liil, hoi o Debleskro rakepaskro, o Natan tchinas, un an o liil, kai kowa dren tchinlo hi, hoi o Debleskro rakepaskro, o Achija dran Shilo penas, ninna an o liil, kai tchinlo hi, hoi sikras o baro Dewel peskro rakepaskres, o Jedo, pral o Jerobeam, koleskro dad o Nebat his.

Josua 18:1

Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,