1. Rajengro liil 11:26 - O Debleskro Drom 2021 (Sinte)

²⁶ I wawar mursh, kai hadas pes pral o Salomo his o Jerobeam. Leskro dad his o Nebat, dran o foro Zereda an o them Efrajim. O Jerobeam his jek kol pralstunendar, kai budras o Salomeske. Leskri dai his i Zeruja, kolakro rom meras.

O Debleskro Lab 2024 (Sinte-Manouche)

²⁶ I vavar morsh, kay hadas pes pral o Salomo his o Yerobeam. Leskro dad his o Nebat, dran o foro Zereda an o them Efrayim. O Yerobeam his yek kol pralstunendar, kay boudras o Salomeske. Leskri day his i Serouya, kolakro rom meras.

1. Rajengro liil 11:26 ပူးပေါင်းရင်းမြစ်များ

1. Mose 35:16

Pal kowa mukan le ko foro Betel un djan an o foro Efrata. Un ap o drom anas i Rachel i tchawes ap i phub. Un lat his bare duka.

2. Samuel 20:21

Pash tumende was i mursh dran i berge Efrajim. Leskro lab hi Sheba, leskro dad hi o Bikri. O Sheba hadas pes ap o baro rajeste David. Denn les kokres win pash mande! Palle mukau o forestar tele.” Koi djuwel penas ap o Joabeste: “Leskro shero well tuke pral i massuri witsedo.”

1. Rajengro liil 11:11

un penas ap leste: “Tu rikral tut gar ap kowa, hoi tuha win krom un rikral tut gar ap mire laba, hoi tuke penom. Doleske lau tiro them tutar krik, te atchess buder gar rai. Un dau kau them jekeste kol pralstunendar an o them.

1. Rajengro liil 11:25

Pal i tsiro was o Reson o baro rai pral o tselo them Syria. Un job hadas pes pral o Israel. Jaake rah har o Salomo djiwas, his o Reson jek, kai kras i Israelenge tchilatchepen, har ninna o Hadad kras.

1. Rajengro liil 11:28

O Jerobeam his i terno sorelo mursh. Har o Salomo les dikas, kai job i latcho budi kras, tchiwas lo les pral i tsele budepangre dran o kheer Josef.

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

1. Rajengro liil 15:30

Kowa his i phagi koleske, hoi o Jerobeam kras, har djas lo o baro Debleskro dromestar tele, un kras, te djan ninna i Israelitarja ap i tchilatcho drom. Doleske was o baro Dewel, kai o Israeleskro Dewel hi, jaake chojedo pral leste.

1. Rajengro liil 16:3

Doleske krau tuha, Baasha, un tire menshentsa, har krom i menshentsa o Jerobeamestar, koleskro dad o Nebat his. Me mukau kek lendar djides.

1. Rajengro liil 21:22

Tu kral man chojedo, un anal i Israelitarjen miro dromestar tele. Doleske djal tiri familjake jaake djungeles har koi familjake fun o Jerobeam, koleskro dad o Nebat his, un har koi familjake fun o Baasha, koleskro dad o Achija his.’

1. Rajengro liil 9:22

I menshendar Israel las lo kekes, kai hunte was leskro budepaskro. Jon wan leskre lurde, un pralstune an leskro kheer, un pralstune pral i lurdende, un kurepangre ap leskre wurdja, un pralstune pral leskre wurdja un leskre graja.

1. Familjakro liil 2:19

Un har i Asuba meras, las peske o Kaleb i Efrata, un joi anas leske o Hur ap i phub.

2. Familjakro liil 13:6

O Jerobeam, koleskro dad o Nebat his, ko budepaskro o Salomestar, job hadas pes pral peskro rajeste, o Davideskro tchaweste.

2. Familjakro liil 9:29

Ko tselo wawar koowa, hoi pral o Salomo penepaske hi, kowa hi tchinlo an o liil, hoi o Debleskro rakepaskro, o Natan tchinas, un an o liil, kai kowa dren tchinlo hi, hoi o Debleskro rakepaskro, o Achija dran Shilo penas, ninna an o liil, kai tchinlo hi, hoi sikras o baro Dewel peskro rakepaskres, o Jedo, pral o Jerobeam, koleskro dad o Nebat his.

Čačepangre 12:5

Un i mursha dran Gilead lan kol platse dren, kai nai djan le wergel o Jordan an o them Efrajim. Un hako kopo te was i Efrajimari, hoi ap o naashepen his, un penas “Muk man wergel te djal!” palle putchan i mursha dran Gilead lestar: “Hal tu i Efrajimari?” Un te penas lo “na-a”,

Ruth 1:2

Leskro lab his Elimelech. Un leskri romni kharas Naomi. Un leskre dui tchawe kharan Machlon un Kiljon. Un jon his dran i familja Efrat dran Betlehem an o them Juda. Un jon wan an o them Moab un atchan koi.

1. Samuel 1:1

His i mursh i menshendar Efrajim. Kowa djiwas an o foro Ramatajim-Zofim an o pralstuno them Efrajim. Leskro lab his Elkana. Koleskro dad his o Jeroham, koleskro dad his o Elihu, koleskro dad his o Tohu, un koleskro dad his o Zuf.

1. Samuel 17:12

O David his o tchawo ko murshestar Isai dran o kheer Efrat, kai djiwas an o foro Betlehem an o them Juda. Koles his ochta mursh tchawe. Un an ko tsiro, har his o Saul o baro rai, his o Isai i phuro mursh.