1. Rajengro liil 11:25 - O Debleskro Drom 2021 (Sinte)

²⁵ Pal i tsiro was o Reson o baro rai pral o tselo them Syria. Un job hadas pes pral o Israel. Jaake rah har o Salomo djiwas, his o Reson jek, kai kras i Israelenge tchilatchepen, har ninna o Hadad kras.

O Debleskro Lab 2024 (Sinte-Manouche)

²⁵ Pal i tsiro vas o Reson o baro ray pral o tselo them Syria. Oun yob hadas pes pral o Israel. Yaake rah har o Salomo djivas, his o Reson yek, kay kras i Israelenge čilačepen, har ninna o Hadad kras.

1. Rajengro liil 11:25 ပူးပေါင်းရင်းမြစ်များ

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

2. Samuel 16:21

Penas o Ahitofel: “Dja pash i djuwjende tiro dadestar, kolen tiro dad mukas koi, te denn jon garda ap ko kheer! Un sob lentsa! Jaake shunell o tselo Israel, kai tu tut pash tiro dadeste gar kamlo kral. Palle wenn lauter kolla, kai ap tiri rig hi, sorleder.”

1. Rajengro liil 11:24

Un o Reson las kurepangren trul peste un was lengro pralstuno. Kowa his an ko tsiro, har o David i Syrarja maras. Un o Reson peskre lurdentsa djas an o foro Damaskus. Un jon djiwan kote, un his i raja pral Damaskus.

1. Rajengro liil 11:26

I wawar mursh, kai hadas pes pral o Salomo his o Jerobeam. Leskro dad his o Nebat, dran o foro Zereda an o them Efrajim. O Jerobeam his jek kol pralstunendar, kai budras o Salomeske. Leskri dai his i Zeruja, kolakro rom meras.

1. Rajengro liil 5:4

Un les his penepaske pral i tsele themma, kai hi ap koi rig o panjestar Eufrat, kai o kham tele djal, o forestar Tifsach bis pash o foro Gaza. Job his o baro rai pral i tsele raja kal themendar. Un les his kek kurepen kol tsele thementsa, kai trul leste his.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

Debleskri gili 106:40

Kote choiras pes o baro Dewel ap peskre menshende, un nai dikas len buder gar glan peskre jaka.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.