1. Rajengro liil 11:15 - O Debleskro Drom 2021 (Sinte)

¹⁵ Glan i rah tsiro, har kuras pes o David i murshentsa an o them Edom, koi djas o pralstuno pral i lurdende, o Joab, kote pral, te paskrell lo kolen, kai an o kurepen meran. Un job maras i tsele murshen un mursh tchawen an o them Edom.

O Debleskro Lab 2024 (Sinte-Manouche)

¹⁵ Glan i rah tsiro, har kouras pes o David i morshentsa an o them Edom, koy djas o pralstouno pral i lourdende, o Yoab, kote pral, te paskrell lo kolen, kay an o kourepen meran. Oun yob maras i tsele morshen oun morsh čaven an o them Edom.

1. Rajengro liil 11:15 ပူးပေါင်းရင်းမြစ်များ

1. Mose 25:23

O baro Dewel penas ap late: “Tu weh i dai dui tchawendar. Kol dujendar wenna bud menshe, jaake bud, kai hakenestar jek natsjona wella. Ko terneder well sorleder har ko phureder un well o rai pral leste.”

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

2. Samuel 8:13

Jaake was o Davideskro lab baro. Har was job dran o kurepen, kai das lo kol Syrarjen, djas lo pale win un kuras pes i Edomentsa an i Londi Tala. Un job maras an koi tala 18.000 (deesh-te-ochta-serja) lurden.

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

1. Rajengro liil 11:14

Un o baro Dewel tchiwas o Salomeske jekes an o drom, kai hadas pes pral leste. Kowa his o Hadad dran o kheer kol rajendar pral o them Edom.

1. Rajengro liil 11:16

Shob tchonna atchas o Joab un leskre lurde koi, bis i tsele mursha dran Edom maredo his.

Debleskri gili 108:10

O them Moab hi miro thopaskro tcharo. Ap o them Edom witsrau miro kirach. Pral i Filistarja dau wi-gole, te wom lengro rai.”

Debleskri gili 60:1

I gili o rajeske pral i gipangre te giwell pash o bashepen ap i dorjengri bashepaskri. O David kras kai gili, te sikrell lo mende tchomone.

4. Mose 31:17

Kanna, denn mulo kol tsele mursh tchawen, un kol tsele djuwjen, kolen i rom his.

4. Mose 31:7

Un jon djan an o kurepen an o them Midian, te kurenn le pen lentsa, jaake har o baro Dewel kowa o Moseske penas, un dan i tsele murshen kote mulo.

5. Mose 20:13

Un ap ko tsiro, kai dell tumaro baro Dewel les an tumaro wast, denn i tsele murshen mulo o chareha.