Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1. Rajengro liil 11:13 - O Debleskro Drom 2021 (Sinte)

13 Un gar o tselo them lau lestar krik. Me mukau tiro tchaweske jek kotar them, kai i menshe jek tchawestar o Jakobestar djiwenn. Kowa krau o Davideske, kai mange koi his, un dran o foro Jerusalem krau me kowa. Ko foro rodom me mange win.”

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

13 Oun gar o tselo them lau lestar krik. Me moukau tiro čaveske yek kotar them, kay i menshe yek čavestar o Yakobestar djivenn. Kova krau o Davideske, kay mange koy his, oun dran o foro Yerusalem krau me kova. Ko foro rodom me mange vin.”

အခန်းကိုကြည့်ပါ။ ကော်ပီ




1. Rajengro liil 11:13
32 ပူးပေါင်းရင်းမြစ်များ  

Un o baro Dewel tchiwas o Salomeske jekes an o drom, kai hadas pes pral leste. Kowa his o Hadad dran o kheer kol rajendar pral o them Edom.


Kokres i menshen, kai wenn o Jakobeskro tchawestar, o Juda, un lengro them mukau o Salomeske. Kowa krau o Davideske, kai mange koi his, un ko foreske Jerusalem, ko foro, hoi me rodom mange win dran o tselo them Israel.


Jaake dau me o Davideskre tchawende pengri phagi. Kai phagi atchell gar hako tsireske ap lende.”


Kokres pral i menshende, kai an i forja an o them Juda djiwenn, atchas o Rehabeam o baro rai.


Jaake peras o Israel tele o Davideskre tchawendar, un kowa hi jaake bis ap kau diwes.


Un har i menshe an Israel shunan, kai o Jerobeam pale pale was, bitchran le murshen pash leste, un mukan leske te penell, te well lo ap i tsillo. Un kote tchiwan le les pral pende, te well lo lengro rai, o rai pral Israel. Kokres i menshe dran o kheer Juda rikran ap o Davideskre tchawende.


Rike tire jaka pre pral kau kheer an i rati un ap o diwes! De jak ap ko kotar phub, kolestar tu penal: Kote kamau te mangenn tumer man an. Shun man, miro rai, te rakrau kate tuha!


Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.


Kote was o baro Dewel chojedo pral i Israelitarja, un tchiwas len krik glan leskre jaka, jaake kai atchan kokres menshe dran o kheer Juda pral.


“Me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.”


Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an.”


Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”


Ninna te djiwas lo sau tchilatcho djipen, kamas o baro Dewel i menshen an o them Juda gar te marell. Glan i rah tsiro penas job peskro budepaskreske David, te well jek kolendar, kai pal leste wenna, baro rai hako tsireske.


Ninna te djiwas o Joram sau tchilatcho djipen, kamas o baro Dewel o Davideskri familja gar te marell, koleske hoi job o Davideha win kras. Job penas leske, te well jek kolendar, kai pal leste wenna, baro rai hako tsireske.


I gili te giwell ap o drom an Jerusalem. Baro Dewel, ma biste o Davides un ko tselo pharo koowa, hoi lo ap peste las.


Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.


Kek mensho hi koi, kai hunte merell gar. Kek nai lell peskro djipen win dran o merepen.


Hoi hunte penas kolenge, kai i Filistarendar bitchedo wan? Penenn lenge: O baro Dewel tchiwas o foro Zion soreles pre. Un kate nai khatrenn pen peskre tchorwele menshe kek darjah.


Te dikau tut, Jerusalem, nai rikrau gar miro mui, dran o kamlepen ap tute dau gar pre, bis te lell o foro peskro tchatchepen, un leskri bacht pre djal har o kham un diklo well har i jag an i rati.


Jon denn jaake rah gole, bis te job o foro Jerusalem pale pre tardo tchiwas, un bis te job les jaake kras, te well o foro ap i tseli phub sharedo.


O baro Dewel rakras o tchatchepen win pral o kheer Jakob. Un leskri choli peras ap i Israelende.


Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.


Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.


Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ