1. Rajengro liil 11:1 - O Debleskro Drom 2021 (Sinte)

¹ O baro rai Salomo romedineras bud djuwjen dran wawar themma: koi tchai o baro rajestar pral o them Egiptia, ninna djuwja dran i themma Moab, Ammon, un Edom, dran o foro Sidon un i menshendar Het.

O Debleskro Lab 2024 (Sinte-Manouche)

¹ O baro ray Salomo romedineras boud djouvyen dran vavar themma: koy čay o baro rayestar pral o them Egiptia, ninna djouvya dran i themma Moab, Ammon, oun Edom, dran o foro Sidon oun i menshendar Het.

1. Rajengro liil 11:1 ပူးပေါင်းရင်းမြစ်များ

1. Rajengro liil 11:8

Un peskre tsele romjenge, kai dran wawar themma wan, kras lo ninna mulne platse, kai nai chatchrenn jon sungepaskro koowa un viechen pengre deblenge.

1. Rajengro liil 14:21

Un o Salomeskro tchawo, o Rehabeam, was o baro rai pral o them Juda. 41 (star-deesh-te-jek) bersh his lo phuro, har job baro rai was, un 17 (deesh-te-efta) bersha his lo baro rai an Jerusalem, ko foro, hoi o baro Dewel rodas peske win dran o tselo them Israel, te nai mangenn le les kote an. Un i dai o Rehabeamestar his i Naama. Joi his dran o them Ammon.

1. Rajengro liil 14:31

Un o Rehabeam meras un was paskedo pash peskre phurende an o Davideskro foro. Leskri dai his i Naama dran o them Ammon. Un leskro tchawo Abija was baro rai pal leste.

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

Esra 10:44

Kolla halauter lan penge romjen wawar menshendar, kai kek Israelitarja his; un kanna bitchran le kol djuwjen un lengre tchawen pendar krik.

Esra 9:1

Har kowa halauter kerdo his, wan i pralstune pash mande un penan: “I menshe dran Israel, i rashaja un i Levitarja rikran pen gar pale i wawar menshendar, kai djiwenn an kau them: kol Kanaanitarja, Hetarja, Perisarja, Jebusarja, Ammonarja, Moabarja, Egiptarja un Amorarja. i Israelitarja krenn jaake djungelo koowa har kolla.

Esra 9:2

Jon lan kolengre djuwjen penge un pengre mursh tchawenge ninna. Un jaake hi mank o Debleskre menshende sawe, kai gar lendar hi. I pralstune un i tchatchepangre mursha his i erste, kai kowa kran, un peran o Deblestar tele.”

2. Mose 34:16

Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

Gosewe laba 2:16

Ma kre har jon, te peress gar dren ap i shukar laba i djuwjatar kai i wawareskri romni hi,

Gosewe laba 22:14

O mui i wawareskro romjatar hi har i gruba, hoi dur tele an i phub djal. Un kolla perenn dren, pral kolende o baro Dewel chojedo hi.

Gosewe laba 23:33

Tire jaka dikenn kowa, hoi gar koi hi. Un tiro dji penell tuke dinelo koowa.

Gosewe laba 31:3

Ma de tiri soor i djuwjenge! Ma dja ko drom, ap koleste i bare raja nashedo djan.

Gosewe laba 6:24

Lengre laba rikrenn tut pale, te djas gar pash i romjate i wawarestar, te shuness gar ap i shukar laba i wawar djuwjatar.

Gosewe laba 7:5

Te hal gosewo, rikreh tut pale i wawareskri romjatar, awa, i wawar djuwjatar, kai shukar laba rakrell.

3. Mose 18:18

Tu less gar i phenjat tiri romjatar, te well li tiri duiti romni, jaake rah har tiri romni djiwell.

5. Mose 17:17

Witar gar hunte lell peske tumaro baro rai bud djuwjen, te well leskro dji gar tele anlo o tchatcho dromestar. Ninna lell lo peske gar bud rup un sonakai khetne.