1. Rajengro liil 10:10 - O Debleskro Drom 2021 (Sinte)

¹⁰ Un joi das o baro rajes Salomo 120 (sheel-te-biish) zentnarja sonakai, un bud latcho sungepaskro djet un bud kutch barra. An kek tsiro buder was jaake bud latcho sungepaskro djet an o them, har kowa, hoi i rajetsa dran Saba o rajeske Salomo anas.

O Debleskro Lab 2024 (Sinte-Manouche)

¹⁰ Oun yoy das o baro rayes Salomo 120 (sheel-te-biish) centnarya sonakay, oun boud lačo soungepaskro djet oun boud kouč barra. An kek tsiro bouder vas yaake boud lačo soungepaskro djet an o them, har kova, hoy i rayetsa dran Saba o rayeske Salomo anas.

1. Rajengro liil 10:10 ပူးပေါင်းရင်းမြစ်များ

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

1. Rajengro liil 10:2

Un joi was an o foro Jerusalem. Un bud lakre budepangre wan lah. Lakre khamele hidjran latcho sungepaskro djet un bud sonakai un kutch barra. Un har joi pash o Salomo was, putchas li lestar halauter, hoi lat ap o dji his.

1. Rajengro liil 9:14

Ko tselo sonakai, hoi bitchras o Hiram o rajeske Salomo his sheel-te-biish (120) zentnarja sonakai.

Debleskri gili 68:29

Bitche tiri soor, maro Dewel, tiri soor, hoi tu ap mende sikral!

Debleskri gili 72:10

I bare raja, kai djiwenn an o foro Tarsis un an i panjeskre themma, kolla anenn leske kutch koowa. Ninna i bare raja pral i forja Saba un Seba bitchrenn leske shukar koowa.

Debleskri gili 72:15

Rah djiwell o baro rai! Denn les o sonakai dran o them Saba! Mangenn leske latchepen o Deblestar hako tsiro! Rakrenn o Debleskri bacht win pral leste hako diwes!

2. Mose 30:34

Un o baro Dewel penas ap o Mose: Le tuke ko kutch koowa, hoi mishto sungella: rukengro djet, Onycha, burrengro djet, ninna djudjo sungepaskro koowa, hoi kharella Weihrauch. Hakenestar le jaake bud har ko wawarestar!

Gosewe laba 20:15

Dell sonakai un bud kutch barra. I kutcheder koowa hi i mui, hoi rakrell, hoi mishto un tchatcho hi.

Sikepaskro 2:8

Me lom mange ninna rup un sonakai khetne, un hoi wawar raja un themma man dan. Me mukom gipangren pash mande khetne te well, murshen un djuwjen. Un man his jaake bud djuwja har kamom, te krenn le man bachtelo.

Mateo 2:11

Un jon djan an ko kheer, un dikan kote o ternepas un leskri dat, i Mariat. Un jon witsran pen glan leste tele, mangan les an, un tchiwan ko kutch brawlepen glan leste, hoi dan le leste. Un kowa his sonakai, kutch kasht, hoi sungella mishto, ninna wawar kutch kasht, hoi wella djet lestar kerdo.

Debleskro tsiro 21:11

Ko fores hi o Debleskro railepen, un hi jaake shukar, har ko kutch bar, hoi Jaspis kharella, jaake djudjo har djudji wali.