1. Rajengro liil 1:9 - O Debleskro Drom 2021 (Sinte)

⁹ Un o Adonija kras i baro chapen pash o bar, hoi kharell Sohelet pash o pani Rogel. Un anas bakren un grumjen un thulle terne grumjen o Debleske, [te wenn leske kol feteder kotja mass chatchedo, un te chan le ko wawar mass.] Un peskre phralenge, o baro rajeskre wawar tchawenge, mukas lo te penell, te wenn le pash o chapen. Ninna i tsele wawar murshenge dran Juda, kai budran an o baro rajeskro kheer, mukas lo te well.

O Debleskro Lab 2024 (Sinte-Manouche)

⁹ Oun o Adoniya kras i baro rhapen pash o bar, hoy kharell Sohelet pash o pani Rogel. Oun anas bakren oun groumyen oun thoulle terne groumyen o Debleske, [te venn leske kol feteder kotya mass rhačedo, oun te rhan le ko vavar mass.] Oun peskre phralenge, o baro rayeskre vavar čavenge, moukas lo te penell, te venn le pash o rhapen. Ninna i tsele vavar morshenge dran Youda, kay boudran an o baro rayeskro kheer, moukas lo te vell.

1. Rajengro liil 1:9 ပူးပေါင်းရင်းမြစ်များ

2. Samuel 17:17

O Jonatan un o Ahimaaz his tardo pash o pani, hoi kharell Rogel. Jon nai mukan pen gar an o foro te dikell. Un i budepaskretsa was pash lende un penas lenge, hoi jon hunte penenn o Davideske.

1. Rajengro liil 1:19

Un o Adonija maras mursh grumjen un thulle terne grumjen un bud bakren o Debleske, un mukas tire tsele tchawenge te penell, te wenn le pash o chapen, ninna o Abjatar, ko rashai, un o Joab, o pralstuno pral i lurdende. Kokres tiro tchawes, o Salomo, mukas lo gar te well.

1. Rajengro liil 1:25

Job djas kau diwes koi, un maras o Debleske mursh grumjen un thulle terne grumjen un bud bakre, un mukas tire tsele tchawenge te penell, te wenn le pash o chapen. Ninna i pralstune lurden, un o rashajes Abjatar mukas lo te well. Un kanna chan un pijenn le glan leste, un denn gole: ‘I rah djipen o baro rajeske Adonija!’

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Mateo 22:4

Un pale bitchras lo wawar budepangren pash kolende, te penenn le ap lende: Shunenn, me krom i chapen tumenge, un marom thulle grumja. Un wawar latcho chapen un pipen hi lauter koi. Awenn ap i bijab!

Josua 15:7

un dureder an i tala Achor un pral pash o foro Debir, un dureder ap koi nordetikri rig pash o foro Gilgal. O foro Gilgal his tchiddo ap i wawar rig o dromestar, hoi djas an i berga Adummim. Kai berga hi ap koi rig fun i tala, kai o kham pralstunes hi. Un ko drom, hoi sikras, har dur o them djal, djas fun o foro Gilgal dureder pash o pani En-Shemesh un pash o pani, hoi kharell En-Rogel,

Josua 18:16

Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,