1. Rajengro liil 1:6 - O Debleskro Drom 2021 (Sinte)

⁶ An leskro tselo djipen tchingras leskro dad kek kopo leha un putchas lestar: “Hoske kreh tu kawa?” O Adonija his i shukar mursh, un was boldo pal o Absalom.

O Debleskro Lab 2024 (Sinte-Manouche)

⁶ An leskro tselo djipen čingras leskro dad kek kopo leha oun poučas lestar: “Hoske kreh tou kava?” O Adoniya his i shoukar morsh, oun vas boldo pal o Absalom.

1. Rajengro liil 1:6 ပူးပေါင်းရင်းမြစ်များ

2. Samuel 14:25

An o tselo Israel his kek mursh jaake shukar har o Absalom, un kowa penas hakeno lestar. Un fun o shero bis tel i herja his kek djungelo koowa ap leste.

1. Rajengro liil 2:22

Kote penas o baro rai Salomo pale pale ap peskri date: “Hoske mangeh man tu, te mukap miro phrales, o Adonija, i Abishag dran o gab Shunem, te romedinerell? Hoske mangeh man gar, te mukap les o baro rai te well? Job hi miro phureder phraal. Un pal leste hi o rashai o Abjatar tardo, ninna o Joab, koleskri dai i Zeruja hi.”

1. Familjakro liil 3:2

O triinto his o Absalom. Leskri dai his i Maacha, kolakro dad his o Talmai. Kowa his o rai pral Geshur. O starto his o Adonija. Leskri dai his i Haggit.

Gosewe laba 22:15

Tikne tchawe krenn dinelo koowa. Te chan le dawa, krenn le kowa buder gar.

Gosewe laba 29:15

Te lell i tchawo i phagi un well leske penlo, hoi lo gar mishto kras, palle well lo gosewo. I tchawo, kai ap peste kokres jak hunte dell, sawo anell ladj ap peskri date.

1. Samuel 10:23

Koi nashan le kote un anan les kai. Un har job mashkral i tsele menshende tardo his, kote dikan le, te his lo jek shero bareder har hako wawar.

1. Samuel 3:13

Job djinas, har peskre tchawe sawo koowa kran, hoi ladj ap mande anas. Un job mukas len kowa te krell. Doleske dau me leskro kheer peskri phagi, hoi atchella hako tsiro ap leste. Kowa penom leske glan i tsiro.

1. Samuel 9:2

Un koles his i mursh tchawo, koleskro lab his Saul. Kowa his i terno shukar mursh. Un kek mursh mank i Israelitarja his jaake shukar har job. Un job his jek shereske bareder har hako wawar mursh an Israel.