1. Rajengro liil 1:5 - O Debleskro Drom 2021 (Sinte)

⁵ Un o Adonija, koleskri dai o Davideskri romni, i Haggit his, kowa kras pes baro un penas: “Me, me kamau baro rai te well!” Un job las peske wurdja un graja, un i paash-sheel mursha, te nashenn le glan leste.

O Debleskro Lab 2024 (Sinte-Manouche)

⁵ Oun o Adoniya, koleskri day o Davideskri romni, i Haggit his, kova kras pes baro oun penas: “Me, me kamau baro ray te vell!” Oun yob las peske vourdya oun graya, oun i paash-sheel morsha, te nashenn le glan leste.

1. Rajengro liil 1:5 ပူးပေါင်းရင်းမြစ်များ

2. Samuel 15:1

Un koi pal was kowa jaake, kai o Absalom peske i wurdin las, un graja, un paash-sheel murshen, kai nashan glan leste.

2. Samuel 3:4

Ko starto his o Adonija. Leskri dai his i Haggit. Ko pantchto his o Shefatja. Leskri dai his i Abital.

1. Rajengro liil 1:11

Kote penas o Natan ap i Batsheba, o Salomeskri date: “Shunal tu gar, kai o Adonija, koleskri dai i Haggit hi, maro baro rai was, un o David, maro rai, djinell kolestar tchi?

1. Rajengro liil 1:4

Un kai terni tchai his bud shukar. Joi his o baro rajeske koi un his leskri budepaskretsa. O baro rai David sowas gar lah.

1. Rajengro liil 2:13

Un o Adonija, koleskri dai i Haggit hi, was pash i Batsheba, o Salomeskri dai. Un joi penas: “Weh tu pash mande an o latchepen?” Un job penas: “Awa.

1. Rajengro liil 2:15

Un job penas: “Tu djineh, me hom kowa, kai hunte woms o baro rai. Un i tsele Israelitarja patsan, te wap me lengro baro rai; kanna was wawartchandes, un miro phraal was o baro rai. O baro Dewel kamas kowa jaake.

1. Rajengro liil 2:24

O baro Dewel kras man baro rai pal miro dadeste David, un penas mange, te wenn dran miro kheer i raja pral Israel. Pash leste, o djido Debleste, dau man sowel: Kau diwes hunte merell o Adonija!”

1. Familjakro liil 28:5

Un o baro Dewel das man bud tchawe. Mank lende rodas job miro tchawes, o Salomo win. Koleste das o baro Dewel peskro tchatcho wast, te well job baro rai pral Israel.

1. Familjakro liil 29:1

Un o baro rai, o David, penas ap i tsele menshende, kai kote khetne his: “O Dewel rodas jek mire tchawendar win, o Salomes: Job hi terno un djinell gomme gar, har te krell lo i kheer. Un i kheer maro Debleske te krell, hi i bari budi. Kowa well gar i kheer i mensheske, na-a, kowa well i kheer o baro Debleske.

1. Familjakro liil 3:2

O triinto his o Absalom. Leskri dai his i Maacha, kolakro dad his o Talmai. Kowa his o rai pral Geshur. O starto his o Adonija. Leskri dai his i Haggit.

2. Mose 9:17

Tu patseh, tu nai kreh mire menshentsa, hoi kameh, un mukeh len gar te djal.

Gosewe laba 16:18

Koon pes bares krell, well phagedo. Un i pre-phurdo mensho perell.

Gosewe laba 18:12

Pre-phurdepen well glan o perepen. Kolenge, kai krenn pen gar bares, well ko tsiro, kai sharenn len i wawar.

Jesaja 2:7

O them Israel hi pherdo rup un sonakai, un leskro brawlepen hi jaake bud, te djinell kek, har bud kowa hi. Un o them hi pherde graja, un lengre kurepangre wurdja nai ginell kek tele.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Čačepangre 9:2

“Penenn ap i tsele murshende an o foro Sichem: ‘Hoi kamenn tumer? Hi feteder tumenge, te hi efta-deesh mursha raja pral tumende, kol tsele tchawe o Gideonestar? Hi gar feteder, te hi jek mursh rai pral tumende? Un ma bistrenn, te hom me tumaro rat un mass.’”