1. Rajengro liil 1:38 - O Debleskro Drom 2021 (Sinte)

³⁸ Un o rashai Zadok, un o Debleskro rakepaskro o Natan, un o Benaja, koleskro dad o Jojada his, un i Kretarja un i Pletarja djan tele un mukan o Salomes te klissell ap i burika o baro rajestar David, un jon anan les pash o pani Gihon.

O Debleskro Lab 2024 (Sinte-Manouche)

³⁸ Oun o rashay Zadok, oun o Debleskro rakepaskro o Natan, oun o Benaya, koleskro dad o Yoyada his, oun i Kretarya oun i Pletarya djan tele oun moukan o Salomes te klissell ap i bourika o baro rayestar David, oun yon anan les pash o pani Gihon.

1. Rajengro liil 1:38 ပူးပေါင်းရင်းမြစ်များ

2. Samuel 13:29

Jaake kran o Absalomeskre lurde o Amnoneha har o Absalom lenge penas. Koi stan i wawar tchawe o baro rajestar pre, un hakeno beshas pes ap peskri maultikri burika, un klissan penge.

2. Samuel 15:18

Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

2. Samuel 20:7

Koi djas o Abishai khetne o Joabeha un leskre lurdentsa win dran o foro Jerusalem. Ninna i Kretarja un i Pletarja un kol tsele sorele kurepangre djan lentsa. Un jon lan o Shebaes palla.

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

1. Rajengro liil 1:26

Man, miro rai, mukas lo gar te kharell, witar gar o Zadok, ko rashajes, un o Benaja, koleskro dad o Jojada his. Un tiro tchawes, o Salomo, mukas lo witar gar te kharell.

1. Rajengro liil 1:33

Un o baro rai penas ap lende: “Lenn tumentsa i pralstunen pral miro kheer, un penenn miro tchaweske, o Salomo, te beshell lo pes ap miri burika, un djan leha tele pash o pani Gihon!

1. Rajengro liil 1:8

O rashai Zadok his gar leha, witar gar o Benaja, koleskro dad o Jojada his, witar gar o Debleskro rakepaskro, o Natan, witar gar o Shimi, un o Rei, un o Davideskre sorele kurepangre.

1. Rajengro liil 2:15

Un job penas: “Tu djineh, me hom kowa, kai hunte woms o baro rai. Un i tsele Israelitarja patsan, te wap me lengro baro rai; kanna was wawartchandes, un miro phraal was o baro rai. O baro Dewel kamas kowa jaake.

1. Rajengro liil 2:35

Un o baro rai tchiwas o Benaja pral i lurdende, te well job lengro pralstuno. Un o rashajeste, o Zadok, das lo koi budi, hoi o rashajes o Abjatar his.

1. Familjakro liil 18:17

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Un o Davideskre tchawe his i glanstune ap i rig o baro rajestar.

Zefanja 2:5

Djungeles djal kolenge, kai pash o baro pani djiwenn, kol menshenge, kai kharenna Kretarja! O baro Dewel mukell tumenge te penell: Tu them Kanaan, them, kai djiwenn i Filistarja, me kamau tut te marell. Kek tumendar, kai kote djiwell, atchell djido.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”