1. Rajengro liil 1:33 - O Debleskro Drom 2021 (Sinte)

³³ Un o baro rai penas ap lende: “Lenn tumentsa i pralstunen pral miro kheer, un penenn miro tchaweske, o Salomo, te beshell lo pes ap miri burika, un djan leha tele pash o pani Gihon!

O Debleskro Lab 2024 (Sinte-Manouche)

³³ Oun o baro ray penas ap lende: “Lenn t'mentsa i pralstunen pral miro kheer, oun penenn miro čaveske, o Salomo, te beshell lo pes ap miri bourika, oun djan leha tele pash o pani Gihon!

1. Rajengro liil 1:33 ပူးပေါင်းရင်းမြစ်များ

1. Mose 41:43

Un mukas les te ulerell ap o duito wurdin. Glan leste dan le win gole: “Witsrenn tumen tele glan leste!” Jaake das o baro rai o tselo them Egiptia an o Josefeskre wasta.

2. Samuel 13:29

Jaake kran o Absalomeskre lurde o Amnoneha har o Absalom lenge penas. Koi stan i wawar tchawe o baro rajestar pre, un hakeno beshas pes ap peskri maultikri burika, un klissan penge.

1. Rajengro liil 1:38

Un o rashai Zadok, un o Debleskro rakepaskro o Natan, un o Benaja, koleskro dad o Jojada his, un i Kretarja un i Pletarja djan tele un mukan o Salomes te klissell ap i burika o baro rajestar David, un jon anan les pash o pani Gihon.

1. Rajengro liil 1:5

Un o Adonija, koleskri dai o Davideskri romni, i Haggit his, kowa kras pes baro un penas: “Me, me kamau baro rai te well!” Un job las peske wurdja un graja, un i paash-sheel mursha, te nashenn le glan leste.

1. Rajengro liil 2:35

Un o baro rai tchiwas o Benaja pral i lurdende, te well job lengro pralstuno. Un o rashajeste, o Zadok, das lo koi budi, hoi o rashajes o Abjatar his.

1. Familjakro liil 29:22

Un jon chan un pijan ap ko diwes glan o baro Debleste. Un o duito kopo kharan le win, kai o Davideskro tchawo, o Salomo, o baro rai hi. Un jon tchoran djet ap leskro shero, te well job o baro Debleske koi. Ninna tchoran le djet ap o shero o murshestar Zadok, te well job o rashai.

2. Familjakro liil 32:30

O Hiskija his kowa, kai mukas o pralstuno kotar o panjestar Gihon te tchakrell, un o pani dureder tel i phub te nashell an o Davideskro foro, ap koi rig, kai o kham tele djal. Halauter, hoi o Hiskija kras, djas leske mishto.

2. Familjakro liil 33:14

Un pal kowa mukas lo win glan o Davideskro foro i bari massuri te krell. Koi massuri djas ap koi rig, kai o kham tele djal, pash o pani Gihon an i tala un dureder kote, kai o drom pash o Matchengro wudar djal, un trul ko foreskro kotar, hoi kharell Ofel. Un job bitchras bare lurden an hako sorelo foro an o them Juda.

3. Mose 19:19

Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!