1. Rajengro liil 1:25 - O Debleskro Drom 2021 (Sinte)

²⁵ Job djas kau diwes koi, un maras o Debleske mursh grumjen un thulle terne grumjen un bud bakre, un mukas tire tsele tchawenge te penell, te wenn le pash o chapen. Ninna i pralstune lurden, un o rashajes Abjatar mukas lo te well. Un kanna chan un pijenn le glan leste, un denn gole: ‘I rah djipen o baro rajeske Adonija!’

O Debleskro Lab 2024 (Sinte-Manouche)

²⁵ Yob djas kava dives koy, oun maras o Debleske morsh groumyen oun thoulle terne groumyen oun boud bakre, oun moukas tire tsele čavenge te penell, te venn le pash o rhapen. Ninna i pralstoune lourden, oun o rashayes Abyatar moukas lo te vell. Oun kanna rhan oun piyenn le glan leste, oun denn gole: I rah djipen o baro rayeske Adoniya!

1. Rajengro liil 1:25 ပူးပေါင်းရင်းမြစ်များ

2. Samuel 16:16

Un o Hushai, ko Davideskro maal, djas pash o Absalomeste, un das soreles gole: “O baro rai mu djiwella! O baro rai mu djiwella!”

1. Rajengro liil 1:19

Un o Adonija maras mursh grumjen un thulle terne grumjen un bud bakren o Debleske, un mukas tire tsele tchawenge te penell, te wenn le pash o chapen, ninna o Abjatar, ko rashai, un o Joab, o pralstuno pral i lurdende. Kokres tiro tchawes, o Salomo, mukas lo gar te well.

1. Rajengro liil 1:24

Un job penas: “Miro baro rai, penal tu ‘O Adonija te well pal mande o baro rai?’

1. Rajengro liil 1:34

Un kote makenn le les dren o latcho djeteha, o rashai o Zadok, un o Debleskro rakepaskro, o Natan, te well lo baro rai pral Israel. Un tumer phurdenn an i phurdepangre un denn pashel gole: ‘I rah djipen o baro rajeske, o Salomo!’

1. Rajengro liil 1:39

Un o rashai Zadok las o djet dran o Debleskro plachteno kheer, un makas o Salomes koleha dren. Un jon phurdan an i phurdepangre, un i tsele menshe dan gole: “I rah djipen o baro rajeske, o Salomo!”

1. Rajengro liil 1:9

Un o Adonija kras i baro chapen pash o bar, hoi kharell Sohelet pash o pani Rogel. Un anas bakren un grumjen un thulle terne grumjen o Debleske, [te wenn leske kol feteder kotja mass chatchedo, un te chan le ko wawar mass.] Un peskre phralenge, o baro rajeskre wawar tchawenge, mukas lo te penell, te wenn le pash o chapen. Ninna i tsele wawar murshenge dran Juda, kai budran an o baro rajeskro kheer, mukas lo te well.

1. Rajengro liil 2:15

Un job penas: “Tu djineh, me hom kowa, kai hunte woms o baro rai. Un i tsele Israelitarja patsan, te wap me lengro baro rai; kanna was wawartchandes, un miro phraal was o baro rai. O baro Dewel kamas kowa jaake.

2. Rajengro liil 11:12

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

2. Rajengro liil 11:14

Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

2. Rajengro liil 9:13

Koi las sik hakeno peskri plaashka, tchiwas lat glan leste ap kol pralstune barra ko dromestar. Jon phurdan an i phurdepaskri un dan gole: “O Jehu hi baro rai!”

1. Familjakro liil 29:13

Maro Dewel, mer parkrah men pash tute, un sharah tiro railo lab.

1. Familjakro liil 29:21

un anan o baro Debleske viechen. O wawar diwes, taissarla, maran le o baro Debleske sawe viechen, kai wan leske tseles chatchedo: jek sero terne gurma, jek sero mursh bakre, un jek sero terne bakre. Ninna tchoran le mool win o baro Debleske, un maran leske bud viechen, hoi chan i tsele Israelitarja khetne glan leste.

2. Familjakro liil 23:11

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Palle tchoran o Jojada un leskre mursh tchawe djet pral leskro shero, te well lo baro rai, un dan gole: O baro rai te djiwella!

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Mateo 22:4

Un pale bitchras lo wawar budepangren pash kolende, te penenn le ap lende: Shunenn, me krom i chapen tumenge, un marom thulle grumja. Un wawar latcho chapen un pipen hi lauter koi. Awenn ap i bijab!

Louka 19:38

Un jon penan: “Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!”

1. Samuel 10:24

Un o Samuel penas ap i tsele menshende: “Kate dikenn, kones o baro Dewel win rodas. Kek hi jaake har job mank i tsele Israelitarja.” Koi dan i tsele menshe gole i bachtjatar un penan: “O baro rai te djiwell!”