1. Rajengro liil 1:2 - O Debleskro Drom 2021 (Sinte)

² Leskre budepangre rakran leha un penan: “Muk men tuke, maro rajeske, i terni tchai te rodell, kai djinell kek murshestar. Koja te well pash tute, te well li tuke koi, un te tchiwell li pes pash tute, te well tuke tato.”

O Debleskro Lab 2024 (Sinte-Manouche)

² Leskre boudepangre rakran leha oun penan: “Mouk men touke, maro rayeske, i terni čay te rodell, kay djinell kek morshestar. Koya te vell pash toute, te vell li touke koy, oun te čivell li pes pash toute, te vell touke tato.”

1. Rajengro liil 1:2 ပူးပေါင်းရင်းမြစ်များ

1. Mose 16:5

Koi penas i Sarai ap o Abram: “Kai bibacht, hoi man hi, hi tiri doosh. Me dom tut miri budepaskretsa, te well li tiri romni. Kanna, kai joi haiwella, kai well li dai, hom me buder tchi moldo an lakre jaka. O baro Dewel mu well miro tchatchepaskro rai.”

2. Samuel 12:3

Ko tchorweles his tchi har i tikno bakro. Kowa ginas job peske, das les te chal, un kowa was baro leskre tchawentsa. Ko tikno bakro chas leskro chapastar, pijas dran leskro tcharo, un sowas ap leskre herja. Ko tikno bakro his leske har peskri tchai.

1. Rajengro liil 1:1

Un o baro rai David was i phuro mursh. Les his i lengsto djipen. Un leske nai was gar tato, ninna te tchiwan le plaashke pral leste.

1. Rajengro liil 1:3

Un jon rodan i shukar terni tchai an o tselo them Israel, un hatsan i Abishag dran o gab Shunem, un anan lat o baro rajeske.

2. Familjakro liil 29:11

Tumer, kai han har mire tchawe, ma nashrenn kek tsiro! Djan ap tumari budi! Tumer han kolla, kai o baro Dewel wi-rodas, te wenn glan leste tardo un budrenn leske un anenn leske viechen un sungepaskro koowa.”

Ester 2:2

Kote penan leskre budepangre ap leste: “Maro rai, pen, te wenn shukar terne tchen rodede, kolen kek murshestar an-tapedo wan.

Sikepaskro 4:11

Ninna, dui te hi an o tchiben tchiddo, nai tatsrenn le pen khetne. Har nai tatsrell pes jek, te hi lo kokres?

Micha 7:5

Pats kekeske, kek maleske, witar kekeske, kai djiwell pash tute! De garda hoi rakreh, ninna pash i romjate, kolat kameh.

5. Mose 10:8

Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.