1. Rajengro liil 1:11 - O Debleskro Drom 2021 (Sinte)

¹¹ Kote penas o Natan ap i Batsheba, o Salomeskri date: “Shunal tu gar, kai o Adonija, koleskri dai i Haggit hi, maro baro rai was, un o David, maro rai, djinell kolestar tchi?

O Debleskro Lab 2024 (Sinte-Manouche)

¹¹ Kote penas o Natan ap i Batsheba, o Salomeskri date: “Shounal tou gar, kay o Adoniya, koleskri day i Haggit hi, maro baro ray vas, oun o David, maro ray, djinell kolestar či?

1. Rajengro liil 1:11 ပူးပေါင်းရင်းမြစ်များ

2. Samuel 15:10

Tchorchanes bitchras job murshen an o tselo them Israel trujel, un mukas lenge te penell: “Tumer te shunenn, te phurdell jek ap i bari phurdepaskri, palle denn gole: ‘O Absalom was baro rai pral o foro Hebron!’”

2. Samuel 3:4

Ko starto his o Adonija. Leskri dai his i Haggit. Ko pantchto his o Shefatja. Leskri dai his i Abital.

1. Rajengro liil 1:10

Kokres o Debleskro rakepaskres, o Natan, un o Benaja un o Davideskre sorele kurepangren un leskro phrales, o Salomo, mukas lo gar te kharell.

1. Rajengro liil 2:13

Un o Adonija, koleskri dai i Haggit hi, was pash i Batsheba, o Salomeskri dai. Un joi penas: “Weh tu pash mande an o latchepen?” Un job penas: “Awa.

1. Familjakro liil 29:1

Un o baro rai, o David, penas ap i tsele menshende, kai kote khetne his: “O Dewel rodas jek mire tchawendar win, o Salomes: Job hi terno un djinell gomme gar, har te krell lo i kheer. Un i kheer maro Debleske te krell, hi i bari budi. Kowa well gar i kheer i mensheske, na-a, kowa well i kheer o baro Debleske.