1. Petro 4:9 - O Debleskro Drom 2021 (Sinte)

⁹ Lenn jek o wawares kamles an peskro kheer! Un choirenn tumen gar pral koi budi, hoi tumen hi!

O Debleskro Lab 2024 (Sinte-Manouche)

⁹ Lenn yek o vavares kamles an peskro kheer! Oun rhoyrenn t'men gar pral koy boudi, hoy t'men hi!

1. Petro 4:9 ပူးပေါင်းရင်းမြစ်များ

1. Mose 24:19

Har les kek trush buder his, penas joi: “Tire khamelenge kamau ninna pani te anell, jaake bud, te hi len buder kek trush.”

Remarja 12:13

Denn kol tchorwele patslende, hoi len hunte well djipaske! Kolla, kai pash tumende wenna, kolen lenn an tumare khera dren, un denn len te chal un te pijell!

Remarja 16:23

O Gajo, – kowa las man an leskro kheer dren, – penell tumenge latche laba. An leskro kheer wenn i tsele patsle khetne. Ninna o Erasto, kai dell garda ap o foreskre lowe, un o Kwarto, miro latcho phraal an o patsepen, penenn tumenge latche laba.

2. Korintarja 9:7

Hakeno hunte dell jaake bud lowe, har leskro dji leske penella. Les hunte khaitell kowa gar, hoi job das! Job dell kowa pestar un gar, har te kaman le les lestar. O Dewel kamell kol menshen, kai denn o djijestar.

Filiparja 2:14

Lauter kowa, hoi tumer krenna, krenn les i bachtelo djijestar, un tchingrenn gar!

1. Timoteo 3:2

I phureder hunte djiwell jaake, te hatsell kek i doosh ap leste. Les well gar budeder har jek romni. Job rakrell kek dinelo koowa, un dell pes jak, hoi job rakrell un krell. Job mukell pes gar an djungelo koowa te tserdell. Job lell i wawaren latches an peskro kheer dren. Job sikrell mishto o Debleskro drom.

Tito 1:8

Na-a, job well gar jaake! Job lell i wawaren latches an peskro kheer dren! Les well i baro dji i wawarenge. Job dell pes jak, hoi job rakrella. Job hi tchatcho un krella, hoi o Dewel kamella. Job nai lell pes khetne.

Filemon 1:14

Me kamom gar tchomone te krap, hoi tu gar kameh. Doleske rikrom o Onesimes gar pash mande. Tu te kameh les mange pale te dell, kress tu kowa dran tiro latchepen.

Hebrearja 13:16

Ma bistrenn te krenn o latchepen! Denn i wawaren tchomone, te well len ninna tchomone! Kowa, hoi tumer i menshenge krenna, hi har te krans tumer les o Debleske. Un job dikell latches ap kowa.

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

Jakobo 5:9

Mire phrala, ma rakrenn chojemen jek pral o wawareste, te lenn kek phagi o Deblestar! O Dewel, kai rakrell o tchatchepen win pral i menshende, hi kanna glan o wudar tardo.