1. Petro 3:3 - O Debleskro Drom 2021 (Sinte)

³ Tumaro shukapen hunte well gar diklo an kowa, hoi i menshe dikenna: har tumer tumare balla hidjrenna, witar gar an o sonakai un kutch ripja!

O Debleskro Lab 2024 (Sinte-Manouche)

³ T'maro shoukapen hounte vell gar diklo an kova, hoy i menshe dikenna: har t'mer t'mare balla hidjrenna, vitar gar an o sonakay oun kouč ripya!

1. Petro 3:3 ပူးပေါင်းရင်းမြစ်များ

1. Mose 24:22

Har i khamele tchalo his, las job i sonakaskri gustri: shob gramme pharo, un dui sonakangre mussjengre gustria: 120 (sheel-te-biish) gramme pharo. Un das kowa late. Un job putchas latar:

1. Mose 24:47

Un me putchom latar: ‘Koneskri tchai hal tu?’ ‘Miro dad hi o Betuel’ penas li. ‘Leskro dad hi o Nahor un leskri dai hi i Milka.’ Un me tchiwom i gustri ap lakro nak un i mussjengre gustria ap lakre mussja.

1. Mose 24:53

Koi pal las job rupeno un sonakaskro koowa win, ninna shukar ripja. Un das kowa i Rebekka. Lakro phrales un lakri dat das lo ninna kutch koowa.

2. Rajengro liil 9:30

Har o Jehu an o foro Jesreel was, un i Isebel kowa shunas, kras joi peskre jaka shukar un peskre balla ap o shero railes, un dikas dran i wochni win.

Ester 5:1

Un ap o triinto diwes riwas i Ester rajengre ripja an un djas ap koi platsa, hoi hi dren an o baro rajeskro kheer, wergel koi bari isema, kai o baro rai hi. Un job his beshdo ap peskri raili beshepaskri wergel o wudar.

Debleskri gili 45:9

Tire ripja sungenn mishto pal Myrrhe, Aloe un Kassia. Bashepangre bashrenn tuke an tire rajengre khera, hoi shukar un kutch kerdo hi.

2. Mose 3:22

Tumare djuwja djan pash kolende, kai langs lende khere hi un mangenn lendar sonakai un rup, un shukar ripja. Kawa lauter lenn lendar un denn les tumare tchawende, te hidjrenn le les.”

2. Mose 32:2

O Aron penas ap lende: “Lenn i sonakangre kanengre, hoi tumare romja, mursh tchawe un tcha an i kanda hi, un anenn len mange.”

2. Mose 33:4

Har i Israelitarja kol phare laba shunan, rowan lengre djia, un kek lendar tchiwas buder peskro sonakai un rup ap peste.

2. Mose 35:22

Mursha un djuwja anan pendar sonakaskro koowa: sonakangre subja, kanengre, gustria, werklia un wawar sonakangre koola o baro Debleske.

2. Mose 38:8

Un job kras o thopaskro tcharo dran lolo saster un tchiwas les ap herja, hoi ninna dran lolo saster hi. Ko lolo saster las lo dran kol blendarja, hoi dan les kol djuwja, kai pash o wudar glan o Debleskro plachteno kheer pengri budi kran.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jeremia 2:32

Nai bistrell i terni tchai peskro sonakai, i terni djuwel, kai kamell romedinerell, peskro bijabeskro ripen? Na-a! Mire menshe bistrenn man pale te pale.

Jeremia 4:30

Jerusalem, tu hal dino! Hoi kreh tu? Tu riweh kutch lole koola ap tute, tchiweh sonakai ap tute, un makeh tire jaka an. Tu kreh tut shukar tchitcheske! Tire pirne kamenn tut gar buder, un kamenn tut mulo te dell.

Ezekiel 23:40

Ninna bitchran le bitchepangre pash wawar murshende, te wenn jon dran dur themma pash lende. Un, awa, jon wan! Un lenge thowan tumen, un kran tumare jaka shukar, un tchiwan sonakai ap tumende.

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.