1. Mose 9:5 - O Debleskro Drom 2021 (Sinte)

⁵ Kek hunte lell tumaro djipen. Hakeno koon lell tumaro djipen, kolestar lau me ninna leskro djipen: hako viechestar un hako menshestar.

O Debleskro Lab 2024 (Sinte-Manouche)

⁵ Kek hounte lell t'maro djipen. Hakeno koon lell t'maro djipen, kolestar lau me ninna leskro djipen: hako firhestar oun hako menshestar.

1. Mose 9:5 ပူးပေါင်းရင်းမြစ်များ

1. Mose 42:22

Un o Ruben penas ap lende: “Penom me gar ap tumende: Ma krenn tchilatchepen o tchaweske? Tumer shunan gar. Kanna well leskro rat ap mende.”

2. Samuel 4:11

Tumer tchilatche menshe kran i djungleder koowa har kowa kras! Tumer dan i murshes mulo, kai pal o tchatchepen djiwas, un dan les mulo an leskro kheer ap leskro tchiben. Tumer hunte plaissrenn leskro rateske! Tumer han buder gar moldo te djiwenn ap kai phub.”

1. Rajengro liil 2:6

Kre leha jaake har glan tire jaka mishto hi! Job hi kanna i phuro mursh. Muk les gar an o latchepen te merell!

2. Rajengro liil 11:1

Har o Ahasja mulo his, stas leskri dai, i Atalja, pre, te marell li hakenes, kai o baro rajeha dran jek familja was.

2. Familjakro liil 24:22

Un o Joash bistras har bud latchepen o Jojada ap leste kras, koleskro tchawo o Secharja his, koles job mukas te marell. Har o Secharja meras, penas lo: “O baro Dewel dikell kowa, un job dell pale pale, hoi le ap mande kran.”

2. Familjakro liil 33:24

Un i bare mursha an leskro them tchiwan pen tchorchanes khetne, un maran les an peskro kheer.

2. Familjakro liil 33:25

Doleske dan i mursha dran Juda halauteren mulo, kai pen khetne tchiwan, te marenn le o baro rajes Amon. Un jon lan leskro tchawes, o Josia, te well lo baro rai pal leste.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

2. Mose 20:13

Ma mare kekes!

2. Mose 21:12

Kowa, kai dell i menshes jaake phares, te merell lo, kowa hunte merell.

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

3. Mose 24:17

Koon i menshes mulo dell, hunte well mulo dino.

3. Mose 24:21

Koon i vieches mulo dell, hunte dell sau vieches pale. Koon i menshes mulo dell, hunte merell.

4. Mose 35:16

Te das jek i wawares mit i kotar saster jaake, te merell job, hi lo i marepaskro un hunte well mulo dino.

4. Mose 35:17

Witsras job i barreha ap leste, hoi bares doha hi, te nai marell lo jekes, un kowa meras koi pre, hi lo i marepaskro un hunte well mulo dino.

4. Mose 35:18

Das job jekes i kashteha jaake, te meras kowa koi pre, hi lo i marepaskro un hunte well mulo dino.

4. Mose 35:21

oder te das job les dran choli o wasteha jaake, te meras kowa, palle hunte well kowa, kai das les, maredo. Job hi i marepaskro. Kowa, kai les an peskre wasta hi, te anell lo o rat o mulo murshestar ap o marepaskro shero, kowa hunte marell kol marepaskres. Kai job les taprella, hunte dell lo les mulo.

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Bičepangre 17:26

Ko Dewel kras ko jek menshes, o Adames. Kolestar wan i tsele menshe an hake themma ap i phub. Job das len i tsiro, har rah jon djiwenna, un ninna an hawo them jon djiwenna.

5. Mose 19:11

Hi wawartchandes jekeha, kai his chojedo ap jekeste un khatrell pes, un dell jak te taprell lo les, un djal ap leste pre un dell les mulo. Te nashell sawo mensho an sau foro,

5. Mose 19:12

palle hunte bitchrenn i phureder dran leskro foro murshen koi, te lenn le les khere, un denn les an i wasta kolestar, kai anell o rat ko mulestar pale ap o koleskro shero, kai das les mulo.

Čačepangre 9:56

Jaake mukas o Dewel o tchilatchepen ap o Abimelech pale te well, hoi lo ap peskro dadeste kras, har mukas job peskre efta-deesh phralen temerl dell.