1. Mose 9:2 - O Debleskro Drom 2021 (Sinte)

² I tsele vieche ap i phub un i tsele tchirkle an o bolepen hunte darenn un trashenn tumendar. Halauter, hoi djiwella ap i phub, un i tsele matche an o baro pani, dau an tumare wasta.

O Debleskro Lab 2024 (Sinte-Manouche)

² I tsele firhe ap i phoub oun i tsele čirkle an o bolepen hounte darenn oun trashenn t'mendar. Halauter, hoy djivella ap i phoub, oun i tsele mače an o baro pani, dau an t'mare vasta.

1. Mose 9:2 ပူးပေါင်းရင်းမြစ်များ

1. Mose 1:21

Jaake kras o Dewel bare panjengre viechen, un ninna hako wawar viecho, hoi an o pani hi, ninna hake tchirkle. Un o Dewel dikas, kai kowa mishto hi.

1. Mose 1:26

Un o Dewel penas: “Kanna krah menshen. Jon wenn jaake har mer. Jon hi rai pral i matchende an o baro pani un pral i tchirklende an o bolepen, pral i diwje viechende un pral kolende, kai gar diwje hi, ninna pral i tikne viechende, hoi djan pral i phub.”

1. Mose 1:28

Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

1. Mose 2:19

Un o baro Dewel, maro rai, kras dran tchik i tsele viechen ap o them un i tsele tchirklen an o bolepen. Un job anas len pash o romeste, te dikell lo, hawo lab job len della.

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

1. Mose 9:1

Un o Dewel rakras latche laba pral o Noah un pral leskre tchawende win un penas: “Anenn bud tchawen ap i phub, te well i phub tumendar pherdo!

1. Mose 9:3

Halauter, hoi djiwella, dau me tumende, te chan kowa nashte. Me dau les tumen te chal, jaake har dom tumen o senlepen.

Hiob 39:11

Fothe sorelo job hi, nai deh tu leske tiri budi an o wast, un nai djineh, te krell lo, hoi tu lestar kameh?

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

3. Mose 26:22

Diwje vieche bitchrau mank tumende, te chan le tumare tchawen un viechen, un marenn jaake bud tumendar, te wenn tumare dromma muklo.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

Jakobo 3:7

I menshe hi i raja pral i tsele diwje viechende, ninna pral i tchirkle, pral i bare sapa un pral i bare matche. Un kolla hunte krenn, hoi i menshe kamenna.