1. Mose 9:15 - O Debleskro Drom 2021 (Sinte)

¹⁵ well ko lab an miro shero, hoi me dom tumen un lauteren, kai djiwenna: ‘Me mukau kek pani buder te well, hoi jaake baro well, te tassell o tselo djipen.’

O Debleskro Lab 2024 (Sinte-Manouche)

¹⁵ vell ko lab an miro shero, hoy me dom t'men oun lauteren, kay djivenna: Me moukau kek pani bouder te vell, hoy yaake baro vell, te tassell o tselo djipen.

1. Mose 9:15 ပူးပေါင်းရင်းမြစ်များ

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

1. Mose 9:10

un lauterenge pash tumende, hoi djido hi, – lauterenge, kai djan win dran o panjeskro kheer: hake tchirkle un hake vieche ap i phub, kolla, kai diwje hi un kolla, kai gar diwje hi.

1. Mose 9:11

Kowa hi ko lab, kai dau miro wast koi pre: Me anau buder gar sawo baro pani pral i phub, te tassell hako djipen ap i phub. Sawo baro pani well buder gar pral i phub.”

1. Mose 9:14

Hako kopo, kai dau brishin pral i phub un ko brishineskro bogo tardo hi an o bolepen,

1. Rajengro liil 8:23

un penas: Baro Dewel, tu o Dewel pral o Israel, kek dewel hi har tu pral an o bolepen, witar gar tele ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

Nehemia 9:32

Maro Dewel, har baro hal tu, jaake sorelo, te daras mer tutar. Tu pandal tiro dji ap mende, un rikreh tiro lab, hoi dal tut sowel. Kanna mangah tut, ma biste koi tseli bibacht, hoi pral mende was, pral mare bare rajende un mare pralstunende, pral i rashajende un o Debleskre rakepangre, pral mare phurende un men lauterende, an ko tselo tsiro, har wan i bare raja dran o them Assur pral mende bis ap kau diwes.

Debleskri gili 106:45

palle was an leskro shero, hoi kras lo lentsa win, te hi lo lengro Dewel. Un an peskro baro latchepen khaitan le les.

2. Mose 28:12

Palle kre kol dui barra ap i damdira pre, kote kai i phika hi. Jaake hidjrell o Aron i laba o Israeleskre tchawendar ap peskre phika, te djal lo an o Debleskro kheer. Un jon wenn mange, o baro Debleske, an o shero, te wap lenge latcho.

Jeremia 14:21

Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

Ezekiel 16:60

Ninna te rikral tiro lab gar, bistrau me kowa gar, hoi tuha win krom, har hals terno. Un me krau tuha pale newes win, te wap tiro Dewel. Un kowa, hoi tuha newes win krau, atchell hako tsireske.

Louka 1:72

Les his i baro dji mare phurenge un bistras gar kowa, hoi job lentsa an o phuro tsiro win kras un peskro wast pre das.

5. Mose 7:9

Djinenn: tumaro baro Dewel hi kokres o tchatcho Dewel. Job rikrell peskro lab, un hoi lo tumentsa win kras. Latchepen un kamlepen dell lo kolende, hoi les o djijestar kamenn un krenn, hoi lo penell. Ninna lengre tchawenge, kai pal lende wenna, hi lo latcho, jaake rah har seri familje jek pal i wawar djiwenn.