1. Mose 8:12 - O Debleskro Drom 2021 (Sinte)

¹² Pal wawar efta diwessa bitchras job i tauba pale win. Un i tauba was buder gar pale.

O Debleskro Lab 2024 (Sinte-Manouche)

¹² Pal vavar efta divessa bičras yob i tauba pale vin. Oun i tauba vas bouder gar pale.

1. Mose 8:12 ပူးပေါင်းရင်းမြစ်များ

1. Mose 8:10

Pal efta diwessa mukas job pale i tauba dran o panjeskro kheer win.

1. Mose 8:11

Un i tauba was pale ap i rati. Un an lakro mui his i newi patri i djeteskro rukestar. Kanna djinas o Noah, te his buder gar bud pani ap i phub.

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

Jesaja 25:9

Ap ko diwes penell hakeno: Dik, kowa hi maro Dewel! Ap koleste rikram men, te well lo ap mari rig. Job hi maro baro Dewel, ap koleste men rikram! Giwas i bachtjatar: Job las men win dran o merepen.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Jeremia 48:28

Tumer menshe an o them Moab, nashenn win dran tumare forja, un djiwenn mank i bare barra! Un krenn les har i taube, kai krenn pengre khera kote, kai i barra dur tele djan.

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.