1. Mose 7:4 - O Debleskro Drom 2021 (Sinte)

⁴ An efta diwessa mukau me brishin tele te well ap i phub: star-desha diwessa un star-desha rati, jaake te merell ap i phub o tselo djipen, hoi krom.”

O Debleskro Lab 2024 (Sinte-Manouche)

⁴ An efta divessa moukau me brishin tele te vell ap i phoub: star-desha divessa oun star-desha rati, yaake te merell ap i phoub o tselo djipen, hoy krom.”

1. Mose 7:4 ပူးပေါင်းရင်းမြစ်များ

1. Mose 2:5

Ap ko tsiro, har o baro Dewel, maro rai, i phub un o bolepen kras, his kek ruka ap i phub, witar kek senlepen. O baro Dewel, maro rai, das kek brishin ap i phub. Un his kek mensho koi, kai budras ap i phub.

1. Mose 6:13

Doleske penas o Dewel ap o Noah: “Kolla, kai djiwenn ap i phub, kran, te was i phub pherdo tchilatchepen un midjak koowa. Kamau gar, te djiwenn le dureder. Awa, me krau, te merenn i tsele menshe un halauter, hoi ap i phub hi.

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

1. Mose 6:3

Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

1. Mose 6:7

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

1. Mose 7:10

Un pal efta diwessa was o baro pani pral i phub.

1. Mose 7:12

Un dran o bolepen was baro sorelo brishin ap i phub: star-desha diwessa un star-desha rati.

1. Mose 7:17

Un o baro pani was pral i phub 40 (star-desha) diwessa, un djas pre un hadas o panjeskro kheer pre un hidjras les.

1. Mose 7:3

I tchirklendar le ninna efta murshen un efta djuwjen! Kre kowa, te lenn le tchawe un merenn gar win ap i phub.

1. Mose 8:10

Pal efta diwessa mukas job pale i tauba dran o panjeskro kheer win.

1. Mose 8:12

Pal wawar efta diwessa bitchras job i tauba pale win. Un i tauba was buder gar pale.

1. Mose 8:2

Kek sorelo pani was buder dran i phub. Un o bolepen rikras o baro brishin pale.

Hiob 22:16

Kolla meran, har his le gomme gar phuro – wan krik thodo har i kheer i sorelo panjestar.

Hiob 28:25

Har job o ducho peskri soor das, har lo penas, bis kai ko baro pani nai djal,

Debleskri gili 69:28

Tchin haki doosh lendar an i liil; jaake te mukess len tu gar an tiro tchatchepen te well.

Jeremia 28:16

Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.