1. Mose 7:13 - O Debleskro Drom 2021 (Sinte)

¹³ Ap ko diwes djas o Noah peskri romjah un peskre tchawentsa, o Sem, o Ham un o Jafet, un kolengre romja an o panjeskro kheer.

O Debleskro Lab 2024 (Sinte-Manouche)

¹³ Ap ko dives djas o Noah peskri romyah oun peskre čaventsa, o Sem, o Ham oun o Yafet, oun kolengre romya an o panyeskro kheer.

1. Mose 7:13 ပူးပေါင်းရင်းမြစ်များ

1. Mose 10:21

O Jafeteskro phureder phraal, o Sem, las ninna tchawe. Job his o dad i tsele menshendar Eber.

1. Mose 10:6

O Ham: Leskre tchawe hi: o Kush, o Mizrajim, o Put un o Kanaan.

1. Mose 5:32

O Noah his 500 (pantch-sheel) bersha phuro un lestar wan o Sem, o Ham un o Jafet boldo.

1. Mose 6:10

Les his triin tchawe: o Sem, o Ham un o Jafet.

1. Mose 6:18

Tut dau miro lab, kai atcheh djido. Koi dau miro wast pre. Un tu djas tire tchawentsa un tiri romjah un tire tchawengre romjentsa an o panjeskro kheer dren.

1. Mose 7:1

Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

1. Mose 7:14

Khetne lentsa djan ninna hake viechendar – kolendar, kai diwjo hi un kolendar, kai gar diwjo hi, ninna hake tikne viechendar, hoi djan pral i phub, un hake tchirklendar.

1. Mose 8:14

Ap o biish-te-eftato diwes an o duito tchon his i tseli phub truk.

Hebrearja 11:7

Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

1. Petro 3:20

Job djas pash kol mulende, kai djiwan an ko tsiro, kai o Noah djiwas. Har o Noah ko panjeskro kheer kras, das o Dewel i menshen i rah tsiro, te wenn le pash leste. Un jon wan gar. His gar budeder har ochta menshe, kai djan an o panjeskro kheer. Un kolla tassan gar an o pani.

2. Petro 2:5

Un o Debleskri choli was pral kol menshende, kai djiwan an ko tsiro, kai o Noah djiwas. Jon kaman o Deblestar tchi te djinell, un shunan gar ap o Noah, har job lenge penas, te hunte djan le ap o Debleskro drom. Un o Dewel bitchras o baro pani pral lende. O Noah kokres un efta wawar tassan gar.

Čačepangre 21:22

Un te wenn lengre dada un lengre phrala, te tchingrenn le mentsa, palle kamah lenge te penell: ‘Awenn menge latches, un mukenn lenge kol tchen! Mer nashte lap gar hakeneske lendar i romni an o kurepen. Un tumer han gar kolla, kai dan len lende. Jaake anenn tumer kek doosh ap tumende, te mukenn tumer len lende.’”