1. Mose 6:3 - O Debleskro Drom 2021 (Sinte)

³ Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

O Debleskro Lab 2024 (Sinte-Manouche)

³ Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

1. Mose 6:3 ပူးပေါင်းရင်းမြစ်များ

1. Mose 6:2

Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Debleskri gili 78:39

Job djinas, te hi le menshe, kai hunte merenn, un hi sik buder gar koi, jaake har i ducho, hoi djal un gar pale wella.

Debleskri gili 90:10

Maro djipen hi 70 (efta-deesh) bersha, te hi bud, 80 (ochta-deesh) bersha. Un kowa, hoi menge shukar his, hi tchi har budi un pharepen. Un sikeder har sik hi lauter trujel.

Jesaja 5:4

Hoi hunte kroms budeder an miro drakengro them, hoi gar krom? Hoske anas lo diwje shutle drake win? Un me patsom, te hi le latcho un gudlo.

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jeremia 11:11

Doleske penell o baro Dewel: Me anau bibacht pral lende, kolatar nai nashenn le gar krik. Jon denn pal mande gole, un me kamau len gar te shunell.

Jeremia 11:7

Me dom tumare phuren trad ap ko diwes, har anom len dran Egiptia win, bis ap kau diwes, un penom lenge pale te pale: Shunenn ap miro rakepen!

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

Johanni 3:6

Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

1. Tessalonikarja 5:19

Mukenn o Debleskro Ducho mashkral tumende te budrell!