1. Mose 50:5 - O Debleskro Drom 2021 (Sinte)

⁵ ‘Miro dad mukas man sowel te dell un penas: Me merau. Paske man an miro mulengro kheer, hoi krom mange an o them Kanaan!’ Kanna muk man te djal, te paskrap miro dades an o them Kanaan. Pal kowa wau pale.”

O Debleskro Lab 2024 (Sinte-Manouche)

⁵ Miro dad moukas man sovel te dell oun penas: Me merau. Paske man an miro moulengro kheer, hoy krom mange an o them Kanaan! Kanna mouk man te djal, te paskrap miro dades an o them Kanaan. Pal kova vau pale.”

1. Mose 50:5 ပူးပေါင်းရင်းမြစ်များ

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 48:21

Un o Israel penas ap o Josefeste: “Me merau. O Dewel hi pash tumende un anell tumen pale an tumaro dadengro them.

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

1. Mose 50:4

Pal kol 70 (efta-desha) diwessa rakras o Josef ap o baro rajeskri familja un penas: “Awenn mange latcho un rakrenn o baro rajeha un penenn leske mandar:

1. Mose 50:6

O baro rai mukas leske te penell: “Dja koi, paske tiro dades, jaake har dal tut glan tiro dadeste sowel.”

2. Familjakro liil 16:14

un was paskedo an peskri barrengri grufta, hoi mukas job peske win te dell an o Davideskro foro. Un jon tchiwan les ap i tchiben, kai bud latcho sungepaskro koowa un sungepaskro djet dren his, hoi kolla kran, kai haiwan pen mishto koi pre. Un jon kran i bari jag, te sharenn le les.

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Debleskri gili 79:3

Lengro rat nashas har pani trul o foro Jerusalem, un kek his koi, kai len paskras.

Sikepaskro 12:5

Tut hi traash glan i treppa. Un ap o drom nai pereh. Tire balla wenn parno. Un tu tserdeh tut jek rigjatar ap i wawar. Tut hi buder gar bud bok. O mensho hunte djal peske kote, kai atchell lo hako tsiro. Un i wawar paskrenn les un rowenn ap o drom.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Jesaja 22:16

Koneske rikreh tut? Un koon dell tut o tchatchepen, te mukeh tu tuke kate i mulengro kheer te krell, un mukell les an i baro bar win te dell, jek kheer, hoi baro hi un dur an i bar djal.

Mateo 27:60

un tchiwas les an peskro newo mulengro kheer, hoi job das peske an i baro bar. Palle tchiwas job i baro bar glan o wudar an ko mulengro kheer, un djas peske.

5. Mose 4:22

Me merau an kawa them, me djau gar wergel o pani Jordan. Tumer djan ap i wawar rig, un lenn ko latcho them tumenge dren.

1. Samuel 14:43

Koi penas o Saul ap o Jonatan: “Pen mange, hoi tu kral.” Un job penas: “Me lom i mui pherdo gwin ko kashteha an miro wast un chom les. Ake hom, tu nai deh man mulo.”