1. Mose 50:25 - O Debleskro Drom 2021 (Sinte)

²⁵ Un o Josef kamas te denn pen o Israeleskre tchawe sowel un penas ap lende: “Te anell o Dewel tumen khere, lenn man tumentsa!” Un jon dan pen sowel glan leste.

O Debleskro Lab 2024 (Sinte-Manouche)

²⁵ Oun o Yosef kamas te denn pen o Israeleskre čave sovel oun penas ap lende: “Te anell o Devel t'men khere, lenn man t'mentsa!” Oun yon dan pen sovel glan leste.

1. Mose 50:25 ပူးပေါင်းရင်းမြစ်များ

1. Mose 50:5

‘Miro dad mukas man sowel te dell un penas: Me merau. Paske man an miro mulengro kheer, hoi krom mange an o them Kanaan!’ Kanna muk man te djal, te paskrap miro dades an o them Kanaan. Pal kowa wau pale.”

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

2. Mose 13:19

O Mose las o Josefeskre kokale peha. Har o Josef meras, penas lo ap peskre phralende: “O Dewel bistrell tumen gar un lell tumen win dran kau them. Denn tumen sowel, te lenn palle ninna mire kokale tumentsa.”

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Bičepangre 7:16

Un lengre tchawe anan len an o them Kanaan un paskran len an o foro Sichem ap ko kotar phub, hoi ginas o Abraham kol menshendar, kolengro phuro dad o Hamor his.

Hebrearja 11:22

Ninna o Josef patsas, te well kowa tchatcho, hoi o Dewel penas. Har job ap o merepen tchiddo his, penas lo peskre phralenge, te well ko tsiro, kai djan i Israelitarja dran o them Egiptia win. Palle hunte lenn le leskre kokale lentsa.

Josua 24:32

Un o Josefeskre kokale, hoi i Israelitarja pentsa lan dran o them Egiptia, paskran le an o foro Sichem ap ko kotar phub, hoi o Jakob ginas kol tchawendar o murshestar Hamor, koleskro dad o Sichem his. O Jakob plaissras ko kotar phub 100 (sheel) rupene kotja. Kau kotar them was o Josefeskre tchawenge dino.

Ruth 1:6

Un joi shunas, te kras o baro Dewel peskro dji pre peskre menshenge an o them Juda, un das len maro. Koi las li peskro koowa khetne, te djal li peskre tchawengre romjentsa dran o them Moab pale pale.