1. Mose 50:24 - O Debleskro Drom 2021 (Sinte)

²⁴ Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

O Debleskro Lab 2024 (Sinte-Manouche)

²⁴ Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Mose 50:24 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 13:15

Ko tselo them, hoi dikeh, kowa dau tut un tire tchawen, kai pal tute wenna. Ko them hi tumaro hako tsiro.

1. Mose 13:17

Dja trujel an o tselo them! Tut dau ko tselo them.”

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 15:7

Un o baro Dewel penas ap leste: “Me hom o baro Dewel, kai anom tut dran o foro Ur, hoi an o them Kaldea hi. Kau them, kai tu kanna hal, dau tut, te well kowa tiro them.”

1. Mose 15:8

Koi penas o Abram: “Miro rai, baro Dewel, har djinau me, te well kau them miro?”

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Mose 21:1

Un o baro Dewel bistras i Sara gar. Un job rikras peskro lab.

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 35:12

Un ko them, hoi dom o Abrahameste un o Isaakeste, dau tute ninna un tire menshende.”

1. Mose 46:4

Me djau tuha an o them Egiptia. Un tchatchepah me anau tut pale pale. Un te mereh, krell o Josef tire jaka pandlo.”

1. Mose 47:29

Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

1. Mose 48:21

Un o Israel penas ap o Josefeste: “Me merau. O Dewel hi pash tumende un anell tumen pale an tumaro dadengro them.

1. Mose 50:5

‘Miro dad mukas man sowel te dell un penas: Me merau. Paske man an miro mulengro kheer, hoi krom mange an o them Kanaan!’ Kanna muk man te djal, te paskrap miro dades an o them Kanaan. Pal kowa wau pale.”

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:19

O Mose las o Josefeskre kokale peha. Har o Josef meras, penas lo ap peskre phralende: “O Dewel bistrell tumen gar un lell tumen win dran kau them. Denn tumen sowel, te lenn palle ninna mire kokale tumentsa.”

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

2. Mose 33:1

O baro Dewel penas ap o Moseste: “Djan dureder, tu un kol menshe, kolen tu dran o them Egiptia win anal. Djan an ko them, kai me man sowel dom glan o Abraham, o Isaak un o Jakob un lenge penom: ‘Tumare tchawen dau me kau them.’

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Sikepaskro 12:5

Tut hi traash glan i treppa. Un ap o drom nai pereh. Tire balla wenn parno. Un tu tserdeh tut jek rigjatar ap i wawar. Tut hi buder gar bud bok. O mensho hunte djal peske kote, kai atchell lo hako tsiro. Un i wawar paskrenn les un rowenn ap o drom.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

4. Mose 32:11

‘Kowa hi tchatcho, hoi penau: Kalla menshe, kai dran o them Egiptia win djan, un hi biish bersha un phureder, dikenn ko them gar, kai dom man sowel, te dap les o Abrahameste, o Isaakeste, un o Jakobeste. Jon djan mantsa gar o djijeha.

Remarja 5:12

Hi jaake: O tchilatchepen was ap i phub, har jek mensho, o Adam, tchomone kras, hoi o Dewel gar kamas. O tchilatchepen anas o merepen ap i phub. Jaake was o merepen pash i tsele menshende. Lauter kran o tchilatchepen, un lauter hunte merenn.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 6:10

O baro Dewel, kai tiro Dewel hi, anell tut an ko them, kai job pes pash o Abraham, o Isaak un o Jakob sowel das, te dell lo les tute. Kote hi bare un shukar forja, hoi tu gar kral,

Hebrearja 11:22

Ninna o Josef patsas, te well kowa tchatcho, hoi o Dewel penas. Har job ap o merepen tchiddo his, penas lo peskre phralenge, te well ko tsiro, kai djan i Israelitarja dran o them Egiptia win. Palle hunte lenn le leskre kokale lentsa.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Josua 24:32

Un o Josefeskre kokale, hoi i Israelitarja pentsa lan dran o them Egiptia, paskran le an o foro Sichem ap ko kotar phub, hoi o Jakob ginas kol tchawendar o murshestar Hamor, koleskro dad o Sichem his. O Jakob plaissras ko kotar phub 100 (sheel) rupene kotja. Kau kotar them was o Josefeskre tchawenge dino.