1. Mose 50:23 - O Debleskro Drom 2021 (Sinte)

²³ Un job dikas i tchawengre tchawen peskro tchawestar Efrajim. Ninna i tchawe peskro tchaweskro tchawestar, o Machir, wan pash leste baro. O Machir his o Manasseskro tchawo.

O Debleskro Lab 2024 (Sinte-Manouche)

²³ Oun yob dikas i čavengre čaven peskro čavestar Efrayim. Ninna i čave peskro čaveskro čavestar, o Makir, van pash leste baro. O Makir his o Manasseskro čavo.

1. Mose 50:23 ပူးပေါင်းရင်းမြစ်များ

1. Mose 30:3

Koi penas joi: “Me dau tut miri budepaskretsa Bilha. Ab lah khetne, te anell li mange i ternepen ap i phub, te wap ninna pral i ternepen dai.”

1. Mose 48:19

Leskro dad kamas gar un penas: “Me djinau, tchawa, me djinau. Ninna kolestar wenna jaake bud menshe, te well lendar jek natsjona. Leskro terneder phraal well bareder har job. Lestar wenna jaake bud menshe, te wenn lendar bud natsjone.”

1. Mose 49:12

Leskre jaka hi kalo i moljatar. Leskre danda hi parno i thudatar.

1. Mose 50:22

Un o Josef djiwas an o them Egiptia, job un peskro dadeskri familja. Un o Josef was 110 (sheel-te-deesh) bersha phuro.

1. Familjakro liil 7:14

O Manasse, leskre tchawe his: o Asrijel un o Machir; lengri dai his i djuwel dran o them Syria. O Machir was o dad o murshestar Gilead.

Hiob 42:16

Un o Hiob djiwas pal kowa gomme 140 (sheel-te-star-deesh) bersha. Un job dikas peskre tchawen un tchawengre tchawen, un kolengre tchawen un kolengre tchawen.

Debleskri gili 128:6

Un ninna dikeh i tchawe tire tchawendar. Bacht te well pral o Israel!

Gosewe laba 17:6

Tchawengre tchawe hi har i rajeskri stadi i phurenge. Un i tchawe sharenn pen pengro papeha un pengri mami.

4. Mose 32:33

Jaake das o Mose kol menshen dran o kheer Gad un dran o kheer Ruben un ko paash kol menshendar dran o kheer Manasse, kai o Josefeskro tchawo his, ko them, kai o Sihon o baro rai pral i Amorarja his un ko them, kai o Og o baro rai pral Bashan his. Job das len o tselo them un kol forja koi dren.

4. Mose 32:39

Un i mursha dran o kheer Machir, koleskro dad o Manasse his, djan an o them Gilead, kuran pen kol menshentsa koi, lan ko them penge un tradan kol Amorarjen krik, kai koi dren djiwan.

Josua 17:1

Un kowa hi ko them, hoi las o kheer Manasse, jaake har peran i barra. O Manasse his o Josefeskro phureder tchawo. Koleskro phureder tchawo his o Machir. Un koleskro tchawo his o Gilead. O Machir his i sorelo kurepaskro. Doleske las lo ko them Gilead un Bashan.