1. Mose 50:21 - O Debleskro Drom 2021 (Sinte)

²¹ Ma darenn! Me dikau ap tumende un tumare tchawende.” Jaake rakras job latche labentsa ap lengre djia.

O Debleskro Lab 2024 (Sinte-Manouche)

²¹ Ma darenn! Me dikau ap t'mende oun t'mare čavende.” Yaake rakras yob lače labentsa ap lengre djia.

1. Mose 50:21 ပူးပေါင်းရင်းမြစ်များ

1. Mose 34:3

Un job kamas lat o djijestar un rakras latche labentsa ap late.

1. Mose 45:5

Kanna hunte khaitell tumen kowa gar, kai bikran man! Choirenn tumen gar pral kowa! O Dewel bitchras man glan tumende kai, te merenn i menshe gar i bokatar.

1. Mose 47:12

Ninna maro das job peskro dadeste un peskre phralende lengre familjentsa, jaake bud, kai hakenes doha his.

1. Mose 50:22

Un o Josef djiwas an o them Egiptia, job un peskro dadeskri familja. Un o Josef was 110 (sheel-te-deesh) bersha phuro.

2. Familjakro liil 30:22

Un o Hiskija rakras kamles ap i tsele Levitarja, kai kran le pengri budi mishto glan o baro Debleste. Efta diwessa kran i Israelitarja ko festo. Un khetne chan le ko mass kol viechendar, hoi dan le o baro Debleste, un parkran pen pash leste, ko Dewel lengre phurendar.

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Mateo 6:14

Tumer te bistrenn o tchilatcho koowa, hoi i wawar ap tumende kran, palle bistrell tumaro dad an o bolepen ninna o tchilatchepen, hoi tumer kran.

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

1. Petro 3:9

Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.

Čačepangre 19:3

Un kote kras pes lakro rom ap o drom, un djas lake palla, te rakrell lo lake an o dji, un lell lat pale pale pash peste. Un les his peskro budepaskres un dui esle pash peste. Un joi anas les an o peskro dadeskro kheer. Un har lakro dad les dikas, djas lo bachteles pash leste,