1. Mose 5:29 - O Debleskro Drom 2021 (Sinte)

²⁹ Un job das les ko lab Noah un penas: “Mari budi hi pharo ap i hachetikri phub, kai tchiwas o baro Dewel i bibacht pre. O Noah dell mare djia newi soor.”

O Debleskro Lab 2024 (Sinte-Manouche)

²⁹ Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

1. Mose 5:29 ပူးပေါင်းရင်းမြစ်များ

1. Mose 5:28

Har o Lamech 182 (jek-sheel-te-ochta-deesh-te-dui) bersha phuro his, was lestar jek tchawo boldo.

1. Mose 5:30

Koi pal, har o Noah boldo was, djiwas o Lamech 585 (pantch-sheel-te-enja-deesh-te-pantch) bersha. Un lestar wan bud tchawe un tcha bolde.

1. Mose 7:23

Jaake was o tselo djipen ap i phub tassedo: i menshe, i vieche, i bare un i tikne, ninna i tchirkle. Halauter was tassedo. O Noah kokres atchas djido un kolla, kai djan khetne leha an o panjeskro kheer.

1. Mose 9:24

Har o Noah djangelo was dran peskro matepen un shunas, hoi leskro terneder tchawo kras, penas job:

Jesaja 54:9

Me krau kanna har an ko tsiro, kai o Noah djiwas, kai dom me man sowel, te well gar buder jaake baro pani pral i phub. Kau diwes dau man sowel, te wap gar buder chojedo ap tute, un te tchingrap gar buder tuha.

Ezekiel 14:14

Ninna te wans kal triin mursha an ko them, o Noah, o Daniel un o Hiob, palle lans jon kokres pengro djipen dran o merepen win, kek wawar lentsa. Jon djiwan an o tchatchepen. Doleske loms len kokres dran o merepen win. Kawa penau me o baro Dewel, tumaro rai.

Ezekiel 14:20

un o Noah, o Daniel un o Hiob wans ninna an ko them, palle lans le gar pengre tchawen un tchen dran o merepen win. Kokres pengro djipen nai lans le dran o merepen win doleske, kai djiwan jon an o tchatchepen. Jaake dau man sowel pash miro djipen, penell o baro Dewel, maro rai.

Mateo 24:37

Jaake har i menshe djiwan an ko tsiro, kai o Noah djiwas, jaake djiwenn le an ko tsiro, kai o Mensheskro Tchawo pale wella.

Louka 3:36

o Kainan, o Arpachsad, o Sem, o Noah, o Lamech,

Remarja 8:20

Halauter, hoi o Dewel kras, hunte djal paash, ninna te kamenn le kowa gar. O Dewel kamas kowa jaake. Jaake kras lo ninna, te dikenn le ap ko tsiro,

Hebrearja 11:7

Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

1. Petro 3:20

Job djas pash kol mulende, kai djiwan an ko tsiro, kai o Noah djiwas. Har o Noah ko panjeskro kheer kras, das o Dewel i menshen i rah tsiro, te wenn le pash leste. Un jon wan gar. His gar budeder har ochta menshe, kai djan an o panjeskro kheer. Un kolla tassan gar an o pani.

2. Petro 2:5

Un o Debleskri choli was pral kol menshende, kai djiwan an ko tsiro, kai o Noah djiwas. Jon kaman o Deblestar tchi te djinell, un shunan gar ap o Noah, har job lenge penas, te hunte djan le ap o Debleskro drom. Un o Dewel bitchras o baro pani pral lende. O Noah kokres un efta wawar tassan gar.