1. Mose 49:9 - O Debleskro Drom 2021 (Sinte)

⁹ Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

O Debleskro Lab 2024 (Sinte-Manouche)

⁹ Miro čavo, tou hal zorelo har i terno levo, kay hi čalo o firhestar, hoy maras lo, oun djal pale, kay lo khere hi, beshell pes oun čivell pes tele. Oun hakenes hi daar, te taprell lo les an.

1. Mose 49:9 ပူးပေါင်းရင်းမြစ်များ

1. Rajengro liil 10:20

Un deesh-te-dui lewe his tardo ap kol shob stufe, ap haki stufa tchatches un serwes jek lewo. An kek wawar them un kek tsiro was o baro rajeske sawi shukar beshepaskri kerdo.

2. Familjakro liil 9:18

Shob stufe his glan i beshepaskri, un i tikno banko i pirenge dran sonakai. Un tchatches un serwes his mussjengre. Pash haki mussjakri his i lewo tardo.

Ezekiel 19:5

Un i dai luras, te well lo pale. Har dikas li, te luras li tchitcheske, un job buder gar pale was, kote las li i wawares peskre tchawendar un tserdas les baro.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Hosea 5:4

Ko tchilatcho koowa, hoi le kran, rikrell len pale, te wenn le pash mande. Jon nai mukenn gar tele, te mangenn le chochene deblen an. Man, o baro Debles, prindjrenn jon gar.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

4. Mose 23:24

Kai natsjona hi har i terni bari margodja, un well sorelo har i bari margodja, hoi tchiwell pes gar tele, bis te chas li pre, hoi joi maras, un pijas ko rat kolendar, hoi joi mulo das.

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

1. Korintarja 15:24

Pal kowa herell kau tsiro pre. Hako rai, hako pralstuno un hakeno, koles hi penepaske, koleske lell o Jesus Kristo i soor krik un dell lauter o Debleste, peskro dadeste, te well o Dewel kokres o rai pral halauter.

5. Mose 33:20

Un pral o kheer Gad penas lo: Sharedo well o baro Dewel, kai dell o Gades i buchlo them. O Gad hi tchiddo har i lewo, hoi lurell ap i vieches, te dandrell lo leske i mussja un o shero tele.

Debleskro tsiro 5:5

Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”