1. Mose 49:8 - O Debleskro Drom 2021 (Sinte)

⁸ Tu, o Juda hal kowa, kones leskre phrala sharenna. Tiro wast hi soreles ap o shero kolendar, kai kamenn tuke tchilatchepen. Glan tute witsrenn pen tele tire phrala.

O Debleskro Lab 2024 (Sinte-Manouche)

⁸ Tou, o Youda hal kova, kones leskre phrala sharenna. Tiro vast hi zoreles ap o shero kolendar, kay kamenn touke čilačepen. Glan toute vitsrenn pen tele tire phrala.

1. Mose 49:8 ပူးပေါင်းရင်းမြစ်များ

1. Mose 27:29

Menshe dran wawar themma hunte budrenn tuke un witsrenn pen tele glan tute. Wess rai pral tire phralende. Un tiri dakre tchawe hunte witsrenn pen tele glan tute. Kolla kai penenna, te well tut bibacht, ap kolende well bibacht. Un kolla, kai penenna, te well tut bacht, ap kolende well bacht.

1. Mose 29:35

Un joi was pale an wawar koowa un anas i tchawes ap i phub un penas: “Kanna sharau o baro Debles.” Doleske das joi les ko lab Juda. Pal kowa anas joi i tsiro buder kek tchawen ap i phub.

1. Mose 42:6

Un o Josef his o rai pral o them Egiptia un bikras djob ap kol menshende an ko them. Har leskre phrala wan, witsran pen le tele glan leste o mujeha ap i phub.

1. Mose 46:12

O Juda un leskre tchawe: o Er, o Onan, o Shela, o Perez un o Serach. O Er un o Onan meran an o them Kanaan. O Perez his o dad dui tchawendar: o Hezron un o Hamul.

2. Samuel 22:41

Tu kral, te hunte nashan le mandar. Jaake nai marom kolen, kai mange tchilatchepen kaman.

2. Samuel 24:9

Un o Joab penas o baro rajeske, har bud mursha koi his. Un an Israel his 800.000 (ochta-sheel-serja) mursha, kai hidjran i charo un an Juda 500.000 (pantch-sheel-serja) mursha.

2. Samuel 5:3

Har kol tsele phureder dran Israel pash o baro rajeste an o foro Hebron his, kras kote o baro rai David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel.

1. Familjakro liil 28:4

Kanna hi jaake, te rodas man o baro Dewel win dran miro dadeskro tselo kheer. Job, o Israeleskro Dewel kamas, te wap me o rai pral Israel hako tsireske. Job rodas o Juda win, te well lo o pralstuno pral peskre phralende. Un dran o kheer Juda rodas lo miro dadeskro kheer win. Un miro dadeskre tchawendar hom me, ap koleste job latches dikas, te krell lo man rai pral o tselo Israel.

1. Familjakro liil 5:2

O sorleder mank peskre phrala his o Juda. Doleske was jek dran o kheer Juda o baro rai pral Israel, ninna te his o Josefes o tchatchepen, hoi i phureder tchaweske hi.

2. Familjakro liil 14:8

Un o Serach, ko Kushari, was peskre lurdentsa te kurell lo pes lentsa. Les his 1.000 (jek-sero) kope 1.000 lurde, un 300 (triin-sheel) kurepangre wurdja. Un job was jaake dur har o foro Maresha tchiddo hi.

2. Familjakro liil 15:9

Un job mukas i tsele menshen khetne te well dran o them Juda un Benjamin un halauter dran i khera Efrajim, Manasse un Simeon, kai pash lende djiwan. [His jaake, kai bud menshe dran Israel pash leste an o them Juda wan, har dikan le, te his o baro Dewel, kai leskro Dewel hi, ap leskri rig.]

2. Familjakro liil 17:2

Job tchiwas lurden an i tsele sorele forja an o them Juda, un tchiwas pralstune murshen dren an o them Juda, ninna an o them Efrajim, an kol forja, kai leskro dad, o Asa, dren las.

2. Familjakro liil 30:11

Gar bud mursha his dran i khera Asser un Manasse un Sebulon, kai shunan ap lende, un kran pen gar bares, un wan an o foro Jerusalem.

Debleskri gili 76:1

I gili o rajeske pral i gipangre, te giwell pash o bashepen ap i dorjengre bashepangre. O Asaf kras kai gili.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Ezekiel 21:29

Doleske penell o baro Dewel, maro rai: Tumari doosh was diklo. Tumare tchilatche dromma wan pre-tchakedo. An halauter, hoi krenna, well tumaro tchilatchepen diklo. Tumer kran, te well tumari doosh gar bistedo. Doleske wenn tapedo i sorelo wasteha.

4. Mose 10:14

Kol menshe dran o kheer Juda his i glanstune, kai djan win. Lengro pralstuno his o Nachshon, koleskro dad o Amminadab hi. Lentsa djan kol menshe dran o kheer Issachar un dran o kheer Sebulon. I pralstuno pral o kheer Issachar his o Netanel. Leskro dad hi o Zuar. Un o pralstuno pral o kheer Sebulon his o Eliab. Leskro dad hi o Helon.

4. Mose 26:20

Pal lende was o Shela, o Perez, un o Serach. Kolendar wan i Shelanarja, i Perezarja un i Seracharja. Kol tchawe fun o Perez his o Hezron un o Hamul. Kolendar wenna kol Hezronarja un kol Hamularja.

4. Mose 26:22

Kalla halauter wan o Judaestar. Un khetne his le 76.500 (efta-deesh-te-shob-serja-pantch-sheel) mursha.

5. Mose 33:7

Pral o kheer Juda penas lo: Baro Dewel, shun, hoi o Juda tutar mangella! An les pale pash peskre phralende! Kre leskre wasta soreles! Ab ap leskri rig, te kurell lo pes kolentsa, kai tchingrenn leha!

Josua 10:24

Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Josua 15:20

Un kalla hi i forja an o them, hoi o baro Dewel i menshende dran o kheer Juda das, te djiwenn le kote pengre familjentsa.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 5:5

Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”

Čačepangre 20:18

Un i Israelitarja kran pen pre, un djan an o foro Betel, un putchan o Deblestar: “Koon mendar hunte djal glan win, te marell lo pes i Benjaminentsa?” Un o baro Dewel penas: “O Juda djal glan!”