1. Mose 49:6 - O Debleskro Drom 2021 (Sinte)

⁶ Kamau gar te wap jek lendar, har krenn le tchilatcho koowa win. Kamau gar te wap pash lende, kai jon khetne wenna. I choljatar dan le murshen mulo un dan gurma bango tchitcheske.

O Debleskro Lab 2024 (Sinte-Manouche)

⁶ Kamau gar te vap yek lendar, har krenn le čilačo koova vin. Kamau gar te vap pash lende, kay yon khetne venna. I rholyatar dan le morshen moulo oun dan gourma bango čičeske.

1. Mose 49:6 ပူးပေါင်းရင်းမြစ်များ

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

2. Samuel 8:4

Un pandas 1.700 (jek-sero-efta-sheel) klissepangre, un 20.000 (biish-serja) lurden, un kras i tsele grajen bango. Kokres sheel lendar mukas lo pral.

1. Familjakro liil 18:4

Un o David las lestar jek sero wurdja, 7.000 (efta serja) klissepangre, un 20.000 (biish-serja) lurden, un kras i tsele grajen bango. Kokres sheel lendar mukas lo pral.

Debleskri gili 1:1

Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.

Debleskri gili 103:1

O Davidestar. Miro tselo djijestar sharau o baro Debles. Lauter, hoi an mande hi, sharell leskro Debleskro lab!

Debleskri gili 139:19

Mo Dewel, kamoms te dess tu i tchilatchen mulo! Kamoms, te djan penge kolla, kolen doosh ap o rat i wawarendar hi!

Debleskri gili 16:9

Doleske hi miro dji bachtelo, un halauter an mande stell i bachtjatar. Awa, me nai tchiwau man tele kek darjah.

Debleskri gili 26:9

Ma de man mulo khetne i tchilatchentsa! Le mange gar o djipen khetne kolentsa, kai ap rat win djan,

Debleskri gili 28:3

Ma kre mantsa har i tchilatchentsa un kolentsa, kai krenn i wawarenge tchilatchepen, kai rakrenn latches, un an lengro dji hi tchilatchepen!

Debleskri gili 30:12

Dran miro ropaskri gili kral tu mange i bachtjakro khelepen. Tu pandal mange ko gono tele, hoi miro ropaskro ripen his, un tchiwal bacht har i ripen ap mande.

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Debleskri gili 42:5

Miro dji phagell an mande, har mukau mange an miro shero trujel te djal, har djom bud menshentsa ap o drom un anom len an o Debleskro kheer. Ap o drom sharam les bari goljah, te parkras men pash leste, un hams bud, kai giwan leske gilja i bachtelo djijeha.

Debleskri gili 43:5

Hoske rowell miro dji un hi jaake pharo an mande? Ap miro Debleste kamau te dikell. Me djinau, te well i tsiro, kai parkrau man pash leste, miro Debleste, te was lo ap miri rig.

Debleskri gili 5:10

Ap lengro lab nai dell jek tchi. An lende hi tchilatchepen. Lengro rakepen anell o merepen. Jon rakrenn dui tchipjentsa.

Debleskri gili 57:8

Sorelo was miro dji, miro Dewel, sorelo was miro dji. Me kamau tuke te giwell un te bashrell.

Debleskri gili 64:2

Miro Dewel, shun har ap tute rowau. Man hi daar glan kolende, kai kamenn man te marell. De jak ap miro djipen!

Gosewe laba 1:11

Jon nai penans: “Am mentsa! Mer lurah jekes pre un marah les. Mer nai hatsams sawen, kai kek tchilatchepen an lengro shero hi. Kolen lah palla, te well men tchomone sapaske.

Gosewe laba 12:5

O Debleskre menshe kamenn o tchatchepen te krell. Tchilatche menshen hi tchi an o shero har chochepen.

Jeremia 15:17

Me nai hom gar wawar menshentsa bachteles khetne beshdo, un sau lentsa, tu tchiwal tiro wast ap mande, un hom kokres. Tiri choli pral kal menshende was ninna an mande.

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

2. Korintarja 6:14

Ma tchiwenn tumen khetne kolentsa, kai patsenn gar ap o Jesus Kristeste. Kolla, kai djiwenn an o tchatchepen un kolla, kai djiwenn gar an o tchatchepen, nai djiwenn gar khetne. O diwes un i rati nai wenn gar khetne. Jaake nai well o latchepen un o tchilatchepen witar gar khetne.

5. Mose 27:24

“Praassedo well kowa, kai i wawares tchorchanes mulo dell!” Un i tsele menshe hunte penenn: Amen!

Josua 11:9

Un o Josua kras lentsa jaake har o baro Dewel kowa leske penas: lengre grajenge tchinas lo an i herja jaake te nai nashan le buder gar. Un lengre wurdja chatchras lo pre.

Čačepangre 5:21

Un ko phuro tikno pani, ko pani Kishon, tserdas leskre lurden krik. Dureder, dureder! Te was soreles an o kurepen!