1. Mose 49:29 - O Debleskro Drom 2021 (Sinte)

²⁹ Un o Jakob penas soreles ap lende: “Te wau me paskedo, paskrenn man pash mire phurende an koi grotta, hoi hi ap ko kotar phub, hoi o Hetares Efron his.

O Debleskro Lab 2024 (Sinte-Manouche)

²⁹ Oun o Yakob penas zoreles ap lende: “Te vau me paskedo, paskrenn man pash mire phourende an koy grotta, hoy hi ap ko kotar phoub, hoy o Hetares Efron his.

1. Mose 49:29 ပူးပေါင်းရင်းမြစ်များ

1. Mose 15:15

Un tuke penau me: ‘Te mereh, soweh bachtelo dren. An i mishto phurepen weh tu paskedo.’

1. Mose 23:16

Un o Abraham das o Efrones kol lowe, hoi jon glan i Hetarja win kran: star-sheel rupene beme. Jek bema his jaake pharo har jek bema pash i parepangre pharo his.

1. Mose 23:17

Jaake las o Abraham o Efroneskro kotar them, kai pash Machpela glan Mamre tchiddo hi: ko kotar them un koi grotta un kol ruka, kai kote tardo his.

1. Mose 23:20

Jaake bikran i Hetarja ko kotar them un koi grotta o Abrahameske, te well kote i mulengro kheer peskri familjake.

1. Mose 23:9

un mangenn les, te dell lo man leskri grotta, hoi kharella Machpela. Koi grotta hi ap i palstuni rig ap leskro kotar them tchiddo. Me kamau te plaissrell, hoi koi grotta moldo hi, te lap i mulengro kheer pash tumende.”

1. Mose 35:27

Un o Jakob was pash peskro dadeste Isaak an Mamre pash o foro Kirjat-Arba. Kowa hi kanna Hebron, kai ninna o Abraham un o Isaak djiwan.

1. Mose 35:29

Un job meras un was paskedo. Les his i lengsto djipen un meras an o mishto phurepen. Un leskre tchawe, o Esau un o Jakob, paskran les.

1. Mose 47:30

Te hom mulo, an man dran o them Egiptia un paske man an o mulengro kheer mire menshendar!” “Me krau, har tu peneh”, penas o Josef.

1. Mose 49:28

Kolla lauter hi i deesh-te-dui bare familje, hoi wenna o Israeleskre deesh-te-dui tchawendar. Kol labentsa penas lenge lengro dad, har lenge djala an ko tsiro, kai wella. Hakeneske his les i wawar lab.

1. Mose 49:33

Har o Jakob kowa peskre tchawenge penas, tserdas job peskre herja ap o tchiben un meras.

1. Mose 50:12

Un o Jakobeskre tchawe kran leha jaake, har o Jakob lenge penas.

1. Mose 50:13

Jon anan les an o them Kanaan un paskran les an i grotta ap ko kotar phub pash Mamre, hoi kharella Machpela. Ko kotar phub ginas o Abraham fun o Hetari, o Efron, te well kote leskri familja paskedo.

2. Samuel 19:37

Hoske kameh mange jaake bud latchepen te krell? Kamau i kotar tuha te djal wergel o pani Jordan.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.