1. Mose 49:19 - O Debleskro Drom 2021 (Sinte)

¹⁹ O Gad, bud lurde tradenn les. Un job rissrell pes trujel un lell len palla.

O Debleskro Lab 2024 (Sinte-Manouche)

¹⁹ O Gad, boud lourde tradenn les. Oun yob rissrell pes trouyel oun lell len palla.

1. Mose 49:19 ပူးပေါင်းရင်းမြစ်များ

1. Mose 30:11

Koi penas i Lea: “Hawi bacht! Un joi das les ko lab Gad.”

1. Mose 46:16

O Gad un leskre tchawe: o Zifjon un o Haggi, o Shuni un o Ezbon, o Eri, o Arod un o Areli.

1. Mose 49:20

O Asser, ap leskro them well latcho djob baro, leskri phub anell shukar chapen win – chapen, hoi i bare raja chana!

1. Familjakro liil 12:9

Kalla hi i laba kolendar, kai wan pash o Davideste dran o kheer Gad, an ko tsiro, har his job pral ap i berga an peskro sorelo kheer an o mulo them. Jon his sorele mursha un kurepangre. Len his shilte un witsepangre tchurja, un jon kuran pen har lewe, un his sik har i tserfe ap i berge.

1. Familjakro liil 5:26

Kote bitchras o Israeleskro Dewel pral lende o baro rajes dran o them Assur, o Pul, – leskro lab hi ninna Tiglat-Pileser – un job mukas i menshen dran o kheer Ruben un Gad un i paash familja dran o kheer Manasse pandles krik te anell, un anas len an i themma trul i forja Halach un Habor un Hara un pash o lengsto pani Gosan. Kote hi le gomme kau diwes.

Josua 13:8

Ko wawar paash kol familjendar dran o kheer Manasse, ninna kol familje dran i khera Ruben un Gad, jon lan pengro kotar them ap i wawar rig o panjestar Jordan, kote kai o kham pre djal. O Mose, koles o baro Debleskro tchatcho wast his, das len les kote: