1. Mose 48:4 - O Debleskro Drom 2021 (Sinte)

⁴ ‘Tchatchepah, me dau tut bud tchawen, te wenn tutar jaake bud menshe, te wenn le bud natsjone. Un kau them dau me tut un tire menshende, te well kowa tumaro hako tsireske.’”

O Debleskro Lab 2024 (Sinte-Manouche)

⁴ Čačepah, me dau tout boud čaven, te venn toutar yaake boud menshe, te venn le boud natsyone. Oun kava them dau me tout oun tire menshende, te vell kova t'maro hako tsireske.”

1. Mose 48:4 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 17:13

Tchinlo hunte well hako budepaskro, kai pash tumende boldo was un tumendar ginlo was. Ap tumaro mass dikenn tumer, kai han mire menshe. Kau koowa atchell jaake hako tsiro.

1. Mose 17:6

Me dau tut jaake bud tchawen, kai pal tute wenna, te wenn lendar natsjone. Ninna bare raja wenna tutar.

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Mose 26:4

O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 32:12

De jak ap mande, te krell miro phraal o Esau mange tchi! Man hi daar lestar, te well lo un marell man, ninna i daja pengre tchawentsa.

1. Mose 35:11

Un o Dewel penas ap leste: “Me hom o sorelo Dewel. Me dau tut bud tchawe. Jaake bud menshe wenna tutar, kai lendar jek bari natsjona un bud wawar natsjone wenna. Ninna bare raja hi mank tire menshende.

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Mose 47:27

Un i Israelitarja djiwan an o them Egiptia, an o them Gosen, lan bud tchawe un wan bud bud menshe.

Debleskri gili 127:3

Tumare tchawen das o baro Dewel tumende. Hi i kutch koowa, te nai lell jek tchawe.

2. Mose 1:11

I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

2. Mose 1:7

Lengre tchawe lan jaake bud tchawe, kai was o them pherdo lendar.

Ezekiel 37:25

Un jon djiwenn pale an ko them, hoi dom me miro budepaskres o Jakobeste, an koleste tumare phure djiwan Hako tsireske djiwenn le kote, jon un lengre tchawe un kolengre tchawe. Un jek dran i familja o Davidestar, kai hi har o David miro budepaskro, well lengro rai hako tsireske.

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

5. Mose 32:8

har o pralstuno Dewel i menshen pengro them das. Job mukas i natsjone kote djiwenn, kai lo kamas. Peskre tchawen Israel das lo hakenes i them bares doha leskre menshenge.