1. Mose 48:17 - O Debleskro Drom 2021 (Sinte)

¹⁷ Har o Josef dikas, kai leskro dad tchiwas peskro tchatcho wast ap o Efrajimeskro shero, his leske kowa gar mishto. Un job tapras peskro dadeskro wast, te tchiwell lo les ap o Manasseskro shero.

O Debleskro Lab 2024 (Sinte-Manouche)

¹⁷ Har o Yosef dikas, kay leskro dad čivas peskro čačo vast ap o Efrayimeskro shero, his leske kova gar mishto. Oun yob tapras peskro dadeskro vast, te čivell lo les ap o Manasseskro shero.

1. Mose 48:17 ပူးပေါင်းရင်းမြစ်များ

1. Mose 28:8

Koi haiwas o Esau, kai leskre romja, kai wan dran o them Kanaan, gar latcho his glan peskro dadeskre jaka.

1. Mose 38:10

Un kowa, hoi job kras, his tchilatcho an o baro Debleskre jaka. Un job mukas les ninna te merell.

1. Mose 48:14

Un o Israel tchiwas peskri jek mussi pral o wawar un tchiwas peskro tchatcho wast ap o Efrajimeskro shero. Kowa his ko terneder. Un peskro serwo wast tchiwas lo ap o Manasseskro shero. Kowa his o phureder.

1. Mose 48:18

Un o Josef penas ap peskro dadeste: “Kre gar jaake, tata! Kawa hi o phureder. Tchip tiro tchatcho wast ap leskro shero!”

1. Rajengro liil 16:25

Un o Omri kras, hoi tchilatcho his glan i jaka o baro Deblestar. Un job kras budeder tchilatcho koowa har halauter, kai glan leste kai his.

1. Familjakro liil 21:7

Kau tselo koowa his djungeles glan o Debleskre jaka. Doleske das lo i Israelenge i phagi.

Gosewe laba 24:18

O baro Dewel nai dikals kowa i choljah, un palle rissrals lo peskri choli kolestar tele!

4. Mose 11:1

Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 22:34

Koi penas o Bileam ap o baro Debleskro bolepaskro: “Me anom doosh ap mande. Me djinom gar, kai tu kamal man pale te rikrell ap o drom. Un kanna, te hi kowa tuke gar mishto, jaake djau me pale pale.”

Remarja 9:11

Har i tchawe gomme gar boldo his, penas o Dewel lake: I tsiro wella, kai budrell o phureder tchawo o terneder tchaweske. Har job kowa penas, kras kek lendar i latcho koowa, witar kek tchilatcho koowa. Jaake dikah, lauter wella, har o Dewel kamella. Te rodell lo jekes win, krell lo kowa jaake, har job kamella. Job dikell gar ap kowa, hoi jek kras.

Josua 17:1

Un kowa hi ko them, hoi las o kheer Manasse, jaake har peran i barra. O Manasse his o Josefeskro phureder tchawo. Koleskro phureder tchawo his o Machir. Un koleskro tchawo his o Gilead. O Machir his i sorelo kurepaskro. Doleske las lo ko them Gilead un Bashan.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”