1. Mose 48:15 - O Debleskro Drom 2021 (Sinte)

¹⁵ Un job rakras o Debleskri bacht win pral o Josefeste un penas: Ko Dewel, kai djas miro papo Abraham un miro dad Isaak ap leskro drom, ko Dewel, kai das garda ap mande bis kau diwes, har dell garda i bakrengro ap peskre bakre,

O Debleskro Lab 2024 (Sinte-Manouche)

¹⁵ Oun yob rakras o Debleskri barht vin pral o Yosefeste oun penas: Ko Devel, kay djas miro papo Abraham oun miro dad Isaak ap leskro drom, ko Devel, kay das garda ap mande bis kava dives, har dell garda i bakrengro ap peskre bakre,

1. Mose 48:15 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 24:20

Un joi djas sik un tchoras ko pani dran lakro khoro an o viechengro tcharo. Un nashas bud kope un las i tsele khamelenge pani.

1. Mose 24:40

Koi penas o Abraham ap mande: ‘O baro Dewel, kai djau ap leskro drom, bitchrell peskro bolepaskres glan tute un dell bacht ap tiro drom, te less miro tchaweske i romjat mire menshendar un dran miro dadeskro kheer.

1. Mose 27:27

Koi was o Jakob pash leste un tchumras les. Koi sungas job leskre koola un rakras o Debleskri bacht pral leste win un penas: Dik, o sungepen miro tchawestar hi har ko sungepen i phubjatar, kai o baro Dewel tchiwas peskri soor pre.

1. Mose 27:4

Un kre mange i latcho chapen, jaake har me kowa kamau. Un an les mange, te chap un te rakrap nai glan miro merepen o Debleskri bacht pral tute win.”

1. Mose 28:20

Un o Jakob das pes sowel un penas: “Hi o baro Dewel mantsa un dell garda ap mande ap miro drom, kai me djau, un dell man chapaske un an-ripaske,

1. Mose 28:22

Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 35:3

Awenn, djas an o foro Betel. Kote krau i chatchepaskri o Debleske, kai shunas man ap ko diwes, kai an i bibacht homs. Ko Dewel his pash mande ap miro drom bis kanna.”

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

1. Mose 49:22

O Josef hi har i terno ruk pash o pani, hoi hidjrell bud rukengre. Leskre kashta wenn baro un djan pral i pre-tchidde barra, kai lo tardo hi.

1. Mose 49:24

his leskro bogo soreles an leskro wast, un leskre mussja his soreles kerdo, o Jakobeskro sorelo Dewel das les soor. Job dell garda ap o Israel har i bakrengro ap peskre bakre, un dell len gar pre.

1. Mose 49:28

Kolla lauter hi i deesh-te-dui bare familje, hoi wenna o Israeleskre deesh-te-dui tchawendar. Kol labentsa penas lenge lengro dad, har lenge djala an ko tsiro, kai wella. Hakeneske his les i wawar lab.

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

1. Rajengro liil 3:6

Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

1. Familjakro liil 5:1

O Ruben his o Jakobeskro phureder tchawo. Doleske his les o tchatchepen, hoi o phureder tchaweske hi. Kowa nashras lo, har sowas lo peskro dadeskri romjah. Un o Rubeneskro tchatchepen was i tchawenge leskro phralestar Josef dino. Ninna te his kowa jaake, was gar tchinlo an i familjakro liil, te his o Josef o phureder.

Debleskri gili 16:8

Miro baro Dewel hi man hako tsiro glan mire jaka. Job te hi ap miri tchatchi rig, nai hom me soreles tardo.

Debleskri gili 23:1

I gili o Davidestar. O baro Dewel dell jak ap mande har i bakrengro dell jak ap peskre bakre. Man hi lauter, hoi man hunte well djipaske.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

2. Mose 3:16

Dja kanna an o them Egiptia, un de i phureden i menshendar Israel khetne gole, un pen ap lende: ‘O baro Dewel, ko Dewel tumare phure dadendar, mukas pes te dikell glan mande. Job hi o Dewel, koles o Abraham, o Isaak un o Jakob an-mangan. Un job penas ap mande: Me dom ap lauter jak, hoi jon tumentsa an o them Egiptia kran.

2. Mose 4:5

Un o baro Dewel penas: “Mose, kre kawa glan i Israelitarja! Palle patsenn le ap tute, te mukom man me, o baro Dewel, glan tute te dikell. Palle djinenn le, te hom me o Dewel, koles lengre phure, o Abraham, o Isaak un o Jakob an-mangan.”

Sikepaskro 5:12

I djungelo koowa dikom ap i phub: Hi menshe koi, kai garenn pengro brawlepen pash peste un denn mishto jak ap kowa.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Sikepaskro 6:7

O mensho marell pes tele peskro chapaske. Un pale te pale lell lo bok un well gar tchalo hako tsireske.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jesaja 33:16

sawe menshe djiwenn palle an o pralstunepen, an i berge hi lengro khatepen. Un len hi doha chapen un pipen.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

5. Mose 33:1

Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

Kolossarja 2:6

Tumer lan o rajes, o Jesus Kristes, an tumare djia. Djiwenn kanna jaake leha khetne,

Hebrearja 11:21

Ninna o Jakob patsas, te well kowa tchatcho, hoi o Dewel leske penas. Har job ap o merepen tchiddo his, tchiwas lo peskre wasta ap o Josefeskre tchawende, un rakras o Debleskri bacht pral lende win, un tchiwas peskro shero glan tele ap peskro kasht, un sharas o Debles.