1. Mose 47:31 - O Debleskro Drom 2021 (Sinte)

³¹ “De tut sowel!” penas o Jakob. Un job das pes sowel. Un o Israel parkras pes glan leste ap peskro tchiben.

O Debleskro Lab 2024 (Sinte-Manouche)

³¹ “De tout sovel!” penas o Yakob. Oun yob das pes sovel. Oun o Israel parkras pes glan leste ap peskro čiben.

1. Mose 47:31 ပူးပေါင်းရင်းမြစ်များ

1. Mose 21:23

Kanna de tut sowel ap o Debleste, te chochess man gar, witar gar mire tchawen un kolengre tchawen. Me homs tuke latcho. Ab tu ninna latcho ap mande un ap ko them, kai tu djiweh.”

1. Mose 21:24

Penas o Abraham: “Me dau man sowel koi pre.

1. Mose 24:2

Koi penas o Abraham ap peskro pralstuno budepaskro, kai das garda ap halauter, hoi o Abrahames his: “De tiro wast koi pre,

1. Mose 24:26

Koi parkras pes ko mursh pash o baro Debleste un witsras pes tele glan leste,

1. Mose 24:3

un de tut sowel ap o baro Debleste, ap o Debleste pral o bolepen un i phub, te less miro tchaweske kek romjat, kai well kate dran o them Kanaan.

1. Mose 31:53

Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

1. Mose 47:29

Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

1. Mose 50:25

Un o Josef kamas te denn pen o Israeleskre tchawe sowel un penas ap lende: “Te anell o Dewel tumen khere, lenn man tumentsa!” Un jon dan pen sowel glan leste.

1. Mose 50:5

‘Miro dad mukas man sowel te dell un penas: Me merau. Paske man an miro mulengro kheer, hoi krom mange an o them Kanaan!’ Kanna muk man te djal, te paskrap miro dades an o them Kanaan. Pal kowa wau pale.”

1. Rajengro liil 1:47

Un dik, kol pralstune an o kheer maro baro rajestar David wan pash leste, un rakran latche laba pral leste win un penan: ‘Tiro Dewel, mu krell lo tiro tchawes Salomo gomme bareder har tut! Mu well o them tel leste gomme sorleder har tel tute.’ Un o baro rai David penas peskro shereha ‘awa’ ap peskro tchiben.

Hebrearja 11:21

Ninna o Jakob patsas, te well kowa tchatcho, hoi o Dewel leske penas. Har job ap o merepen tchiddo his, tchiwas lo peskre wasta ap o Josefeskre tchawende, un rakras o Debleskri bacht pral lende win, un tchiwas peskro shero glan tele ap peskro kasht, un sharas o Debles.