1. Mose 47:29 - O Debleskro Drom 2021 (Sinte)

²⁹ Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

O Debleskro Lab 2024 (Sinte-Manouche)

²⁹ Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

1. Mose 47:29 ပူးပေါင်းရင်းမြစ်များ

1. Mose 24:2

Koi penas o Abraham ap peskro pralstuno budepaskro, kai das garda ap halauter, hoi o Abrahames his: “De tiro wast koi pre,

1. Mose 24:49

Kanna penenn mange, kamenn tumer miro rajeske latchepen un kamlepen te krell? Un te hi kowa gar jaake, penenn mange kowa ninna. Un me djinau, hoi te krap.”

1. Mose 27:2

Un o Isaak penas ap leste: “Dik, me wom phuro. Djinau gar hawo diwes me merau.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

1. Mose 48:21

Un o Israel penas ap o Josefeste: “Me merau. O Dewel hi pash tumende un anell tumen pale an tumaro dadengro them.

1. Mose 50:12

Un o Jakobeskre tchawe kran leha jaake, har o Jakob lenge penas.

1. Mose 50:5

‘Miro dad mukas man sowel te dell un penas: Me merau. Paske man an miro mulengro kheer, hoi krom mange an o them Kanaan!’ Kanna muk man te djal, te paskrap miro dades an o them Kanaan. Pal kowa wau pale.”

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Samuel 2:32

Jon hadan o Asaheles pre, un paskran les pash leskro dadeste an leskro mulengro kheer an o foro Betlehem. O Joab un leskre lurde djan dureder i tseli rat. Har wan le an o foro Hebron, djas o kham pre.

2. Samuel 7:12

Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

1. Rajengro liil 2:1

Un o tsiro was, kai hunte merell o David. Kote rakras lo peskro tchaweha, o Salomeha, un penas ap leste:

Hiob 14:14

Te merell i mensho, well lo palle pale djido? Palle bistroms, har djungeles mange kanna djal, un dikoms ap ko tsiro, kai mange feteder djal.

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Hiob 7:1

I menshe hunte budrenn phares ap kai phub. Pengro tselo djipen marenn le pen tele har i budepangre, kai wenn haki rati plaissedo.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Debleskri gili 49:9

I mensheskro djipen hi jaake kutch, te nai plaissrell lo les gar. An kek tsiro hi les doha te dell,

Debleskri gili 6:5

Risse trujel, baro Dewel, un le man win! Tu hal jaake latcho, le man win!

Debleskri gili 89:48

Tu djineh, har tikno miro djipen hi. Ma biste, har sik i mensho buder gar kai hi! Tu kokres kral les jaake.

5. Mose 31:14

O baro Dewel penas ap o Mose: “Tire diwessa wan, te hunte meress: De o Josua gole, un ab khetne leha pash o Debleskro plachteno kheer, te tchiwap les dren an leskri budi.” Un o Mose un o Josua djan dren an o Debleskro plachteno kheer,

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

Hebrearja 11:22

Ninna o Josef patsas, te well kowa tchatcho, hoi o Dewel penas. Har job ap o merepen tchiddo his, penas lo peskre phralenge, te well ko tsiro, kai djan i Israelitarja dran o them Egiptia win. Palle hunte lenn le leskre kokale lentsa.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

Josua 23:14

An i tikno tsiro merau, har hakeno ap kai phub hunte merell. Tumer djinenn, te peras kek lab ap i phub kol tsele latche labendar, hoi o baro Dewel pral tumende penas. Lenn kowa ap o dji: Lauter, hoi job penas, was jaake har job penas. Kek lab peras tele.

1. Samuel 26:10

Palle penas lo: “Me dau man sowel pash o djido Debleste: Job kokres marell les, nai well ap leskro tsiro, kai hunte merell lo, nai well an o marepen.