1. Mose 47:22 - O Debleskro Drom 2021 (Sinte)

²² O them i rashajendar ginas job gar. I rashajen his doha lowe te ginenn le penge chapen. Jon wan plaissedo o baro rajestar. Doleske bikran jon pengro them gar.

O Debleskro Lab 2024 (Sinte-Manouche)

²² O them i rashayendar ginas yob gar. I rashayen his doha love te ginenn le penge rhapen. Yon van playsedo o baro rayestar. Doleske bikran yon pengro them gar.

1. Mose 47:22 ပူးပေါင်းရင်းမြစ်များ

1. Mose 14:18

Un o Melchisedek, ko rai pral o foro Salem, anas lenge maro un mool dran o foro. Job his i rashai ko Deblestar, kai hi o Dewel pral halauter.

1. Mose 41:45

Un o baro rai das o Josefes o lab ‘Zafenat-Paneach’. Ninna das job les i romni, i Asnat. Lakro dad his o Potifera. Kowa his o rashai an o foro On. Jaake las o Josef i soor pral o tselo them Egiptia.

1. Mose 41:50

Glan ko tsiro, kai i bok pral o them was, wan o Josefeske dui mursh tchawe boldo. Lengri dai his i Asnat, kolakro dad o rashai Potifera an o foro On his.

1. Mose 47:21

Un o Josef ginas i menshen an o tselo them Egiptia – fun jek rig o themestar ap i wawar rig, te wenn le budepangre o baro rajeske.

1. Mose 47:23

Un o Josef penas ap i menshende: “Kau diwes ginom tumen un tumaro them o baro rajeske. Ake, kau djob tchiwrenn nai an i phub.

1. Mose 47:26

Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

Esra 7:24

Ninna penau tumenge: Kekeste tumendar dau me o tchatchepen, te nai mangell lo themeskre lowe, foreskre lowe un wawar koowa kol rashajendar un kol wawarendar, kai budrenn an o kheer kau Deblestar, har Levitarja, gipangre, mursha, kai jak denn ap i wudja un budepangre.

Nehemia 13:10

Un kote dikom ninna, te anan i Israelitarja gar i Levitarenge ko koowa, hoi len hunte dino wals. Doleske kran i Levitarja un i gipangre buder gar pengri budi an o Debleskro kheer, un nashan penge hakeno ap peskri kotar phub.

Mateo 10:10

Lenn kek possita tumentsa, kek duito gad, kek kircha, witar kek kasht! I budepaskro lell peskro chapen kolendar, kolenge job budrella.

1. Korintarja 9:13

Djinenn tumer gar, kai kolla, kai an o Debleskro baro kheer budrenna, kote lenna, hoi len hunte well djipaske? Un kolla, kai anenn marede viechen glan o Debleste, kolla nai chan ninna i kotar kolestar, hoi o Debleste dino wella.

Galatarja 6:6

Jek te penell tumenge o Debleskro lab, palle hunte denn tumer les kowa, hoi les hunte well djipaske.

5. Mose 12:19

Ma bistrenn i Levitarjen un denn lende, hoi len hunte well, jaake rah har an tumaro them djiwenn.

2. Tessalonikarja 3:10

Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.

1. Timoteo 5:17

Kanna rakrau pral kolende, kai hi kol phureder mank i patslende, un krenn pengri budi mishto. I patsle hunte dikenn pre ap lende un shunenn ap lende. Ninna hunte denn le len lowe. Kowa penau budeder kolendar, kai penenn i menshenge o Debleskro lab, un sikrenn lende o Debleskro drom.