1. Mose 47:1 - O Debleskro Drom 2021 (Sinte)

¹ Un o Josef djas pash o baro rajeste un penas ap leste: “Miro dad un mire phrala pengre bakrentsa un pengre grumjentsa un halauter, hoi len hi, wan dran o them Kanaan un hi kanna an o them Gosen.”

O Debleskro Lab 2024 (Sinte-Manouche)

¹ Oun o Yosef djas pash o baro rayeste oun penas ap leste: “Miro dad oun mire phrala pengre bakrentsa oun pengre groumyentsa oun halauter, hoy len hi, van dran o them Kanaan oun hi kanna an o them Gosen.”

1. Mose 47:1 ပူးပေါင်းရင်းမြစ်များ

1. Mose 45:10

Tu djiwess an o them Gosen, hoi hi gar dur mandar: tu un tire tchawe un tire tchawengre tchawe, ninna tire bakre un busja, tire grumja un halauter, hoi tut hi.

1. Mose 45:16

An o kheer o baro rajestar shunan le, kai o Josefeskre phrala wan. Un kowa his mishto o baro rajeske un i pralstunenge an leskro kheer.

1. Mose 46:28

Har jon an Egiptia wan, bitchras o Jakob peskro tchawes Juda glan win pash o Josefeste, te sikrell job lende o drom an o them Gosen.

1. Mose 46:31

Un o Josef penas ap peskre phralende un ap i wawarende an peskro dadeskri familja: “Me djau pash o baro rajeste te penap leske: Mire phrala un kol wawar dran miro dadeskri familja, kai an o them Kanaan djiwan, wan pash mande.

1. Mose 46:34

Penenn ap leste: ‘Miro rai, mer ham bakrengre fun tiknes pre, jaake har mare phure.’ Penenn kowa, te nai atchenn an o them Gosen.” Hako bakrengro hi i pale-tchiddo glan i Egiptarja.

2. Mose 8:22

O Mose penas: “Kowa djal gar. Kol viechen, hoi mer maro baro Debleske marah, hi pale-tchiddo pash i Egiptarja. Te marah mer kol viechen kote, kai i Egiptarja nai dikenn men, palle hadenn jon barra pre un witsrenn men lentsa mules.

2. Mose 9:26

Kokres an o them Gosen, kai i Israelitarja djiwan, kote peras kek barrengro brishin tele.

Hebrearja 2:11

O Jesus kras i patslen tchatcho un erligo, un anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.