1. Mose 46:6 - O Debleskro Drom 2021 (Sinte)

⁶ Un jon lan pengre viechen un halauter, hoi lengre an o them Kanaan was, un djan an o them Egiptia: o Jakob peskri tseli familjah:

O Debleskro Lab 2024 (Sinte-Manouche)

⁶ Oun yon lan pengre firhen oun halauter, hoy lengre an o them Kanaan vas, oun djan an o them Egiptia: o Yakob peskri tseli familyah:

1. Mose 46:6 ပူးပေါင်းရင်းမြစ်များ

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

1. Mose 46:7

Leskre tchawe un leskre tchawengre tchawe, leskre tcha un tchawengre tcha, leskri tseli familja anas job peha an Egiptia.

Debleskri gili 105:23

Palle was o Jakob an o them Egiptia, un o Israel his i wi-themari an o them o Hameskre tchawendar.

Jesaja 52:4

Kawa penell o baro Dewel, maro rai: Glan i rah tsiro djan mire menshe an o them Egiptia, te atchenn le kote i tsiro. Un ninna kolla dran o them Assur rikran len tele un kran lenge tchitcheske i pharo djipen.

4. Mose 20:15

kai mare phure an o them Egiptia djan, un mer i rah tsiro an o them Egiptia djiwam, un kai kol Egiptarja menge un mare phurenge o djipen phares kran.

Bičepangre 7:15

Jaake was o Jakob an o them Egiptia, un kote djiwas lo peskre tchawentsa. Kolla hi mare phure. Un kote meran le ninna.

5. Mose 10:22

70 (efta-deesh) menshe his tumare phure, har le an o them Egiptia tele djan. Un kanna kras tumaro baro Dewel tumendar jaake bud har i bolepangre momlia.

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

Josua 24:4

Un o Isaakeste dom o Jakob un o Esau. Un i menshenge dran o kheer Esau dom i berge Seir, te djiwenn le kote. O Jakob un leskre tchawe djan tele an o them Egiptia.

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.