1. Mose 46:34 - O Debleskro Drom 2021 (Sinte)

³⁴ Penenn ap leste: ‘Miro rai, mer ham bakrengre fun tiknes pre, jaake har mare phure.’ Penenn kowa, te nai atchenn an o them Gosen.” Hako bakrengro hi i pale-tchiddo glan i Egiptarja.

O Debleskro Lab 2024 (Sinte-Manouche)

³⁴ Penenn ap leste: Miro ray, mer ham bakrengre foun tiknes pre, yaake har mare phoure. Penenn kova, te nay ačenn an o them Gosen.” Hako bakrengro hi i pale-čiddo glan i Egiptarya.

1. Mose 46:34 ပူးပေါင်းရင်းမြစ်များ

1. Mose 13:7

Jaake tchingran pen o Abrameskre budepangre un o Loteskre budepangre, kai dan garda ap lengre viechende. An ko tsiro djiwan ninna i Kanaanitarja un i Perisarja an ko them.

1. Mose 13:8

Koi penas o Abram ap o Lot: “Me kamau kek tchingepen mank mende, witar gar mank tire budepangre un mire budepangre. Mer ham phrala.

1. Mose 26:20

Koi tchingran i bakrengre dran o foro Gerar ap o Isaakeskre bakrengre un penan: “Kau pani hi maro.” Koi das o Isaak koi brunna ko lab ‘Esek’.

1. Mose 30:35

Ko diwes tchiwas o Laban ap i rig: hake busja, kai his len ninna parne balla, un hake kale bakre. Un job das len peskre tchawende an o wast, te denn jon jak ap lende.

1. Mose 34:5

Har o Jakob shunas, kai leskri tchai an-tapedo was i sorjah, kras lo tchi, bis te leskre tchawe khere wan. Kolla his leskre viechentsa win ap o them.

1. Mose 37:12

His i diwes, koi his leskre phrala ap o them pash o foro Sichem, te denn le garda ap pengro dadeskre bakrende.

1. Mose 37:2

Kowa hi ko liil, kai tchinlo hi pral o Jakobeskre tchawende. O Josef, i terno mursh, – job his deesh-te-efta bersha phuro, – das jak ap i bakrende khetne peskre phralentsa. Kolla his i tchawe leskro dadeskre romjendar, i Bilha un i Silpa. Un te kran leskre phrala tchilatcho koowa, penas lo kowa pengro dadeske.

1. Mose 43:32

Un jon anan o Josefeske o chapen ap i wawar chapaskri har peskre phralenge. Ninna i Egiptarja, kai leha chan, chan ap i wawar chapaskri. I Egiptarja chan gar khetne kolentsa, kai kharenn Hebrearja. Kolla hi lenge pale-tchiddo.

1. Mose 45:10

Tu djiwess an o them Gosen, hoi hi gar dur mandar: tu un tire tchawe un tire tchawengre tchawe, ninna tire bakre un busja, tire grumja un halauter, hoi tut hi.

1. Mose 45:18

Un lenn tumaro dades un tumare tsele menshen, un awenn pash mande! Un kamau te dap tumen o feteder kotar them an o them Egiptia, te chan tumer o latcheder chapen ko themestar.’

1. Mose 46:32

I mursha hi bakrengre un denn jak ap pengre viechende. Un lengre bakre un grumja un lauter, hoi len hi, anan le pentsa.

1. Mose 47:11

Un o Josef sikras peskro dadeste un peskre phralende, kai jon djiwenn nai. Un das len o feteder kotar them, hoi an o them Egiptia his, ko them Ramses, jaake har o baro rai penas.

1. Mose 47:3

Un o baro rai putchas lendar: “Hoi krenn tumer?” Un jon penan ap leste: “Miro rai, mer ham bakrengre jaake har mare phure.”

1. Mose 47:4

Un jon penan ninna: “I bok hi baro an o them Kanaan. Hi kek senlepen chapaske mare bakrenge. Doleske wam mer, te atchas i tsiro kai. Kanna mangah tut, miro rai, muk men te djiwell an o them Gosen.”

1. Mose 47:6

O them Egiptia hi ninna tuke koi. Rode tiro dadeske un tire phralenge o feteder kotar them win, te djiwenn le kote! Muk len te djiwell an o them Gosen! Un te dikeh, kai hi mursha mank lende, kai krenn pengri budi mishto, kre te wenn le pralstune pral mire viechende.”

2. Mose 8:22

O Mose penas: “Kowa djal gar. Kol viechen, hoi mer maro baro Debleske marah, hi pale-tchiddo pash i Egiptarja. Te marah mer kol viechen kote, kai i Egiptarja nai dikenn men, palle hadenn jon barra pre un witsrenn men lentsa mules.

2. Mose 8:26

Un o Mose djas win dran o Faraeskro kheer un mangas o baro Debles leske.