1. Mose 46:2 - O Debleskro Drom 2021 (Sinte)

² I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

O Debleskro Lab 2024 (Sinte-Manouche)

² I rati rakras o Devel leha an i souni oun penas ap leste: “Yakob, Yakob!” Oun yob penas: “Ake hom.”

1. Mose 46:2 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

1. Mose 22:11

Koi das o baro Debleskro bolepaskro dran o bolepen gole: “Abraham, Abraham!” Penas job: “Kate hom!”

1. Mose 31:11

Un o Debleskro bolepaskro penas ap mande an i suni: ‘Jakob!’ Penom: ‘Ake hom.’

2. Familjakro liil 26:5

Un job rodas o Debles, jaake rah har o Secharja djiwas. Kowa sikras leste, har nai djiwell lo o Debleha. Un jaake rah, har job o baro Debles rodas, mukas leske o Dewel halauter mishto te djal.

Hiob 4:13

Rati, har sowom soreles dom djungeles suni.

Daniel 2:19

Un an i rati dikas o Daniel i dikepen un leske was koi suni sikedo. Un o Daniel sharas o bolepaskro Debles,

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

4. Mose 24:4

Kowa penella, kai shunell o Debleskro rakepen. Me dikau, hoi o sorelo Dewel mande sikrella. Mire jaka wenn pre kerdo, te djau ap i tchanga.

Bičepangre 10:13

Un o Petro shunas, har jek penas: “Petro, ste pre, kre len mulo un cha!”

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

Bičepangre 16:9

Koi dikas o Paulo an i suni i murshes dran o them Macedonia. Kowa mangas les un penas: “Am wergel an o them Macedonia, un pen menge o Debleskro lab!”

Bičepangre 9:10

An o foro Damaskus his i patslo mursh. Kowa kharas Anania. Kolestar mukas pes o rai Jesus an i suni te dikell. Un job penas: “Anania!” Un o Anania penas: “Ake, hom, mo rai.”

Bičepangre 9:4

Un job peras ap i phub un shunas i rakepen. Kowa penas ap leste: “Saulo, Saulo, hoske leh tu man palla?”

Čačepangre 7:2

Un o baro Dewel penas ap o Gideon: “Tut hi bud lurde, hoi pash tute hi. Jaake nai dau i Midianarja gar an tumare wasta. O Israel nai sharals pes un nai penals: ‘Mare wasta his, hoi men win lan!’

Čačepangre 7:9

Un an koi rat penas o baro Dewel ap o Gideon: “Ste pre, un dja tele kote, kai i Midianarja tchiddo hi! Me dom len an tiro wast.

1. Samuel 3:10

Kote was o baro Dewel un his pash leste tardo, un das les pale jaake gole har kol wawar kope: “Samuel! Samuel!” Un o Samuel penas: “Rake, tiro budepaskro shunella!”

1. Samuel 3:4

Kote das o baro Dewel o Samueles gole. Un kowa penas: “Ake hom!”