1. Mose 45:6 - O Debleskro Drom 2021 (Sinte)

⁶ Dui bersha bokan le an kau them. Un pantch bersha hi glan lende, kai tchiwrenn le nai kek djob an i phub, witar gar anenn le djob dren.

O Debleskro Lab 2024 (Sinte-Manouche)

⁶ Douy bersha bokan le an kava them. Oun panč bersha hi glan lende, kay čivrenn le nay kek djob an i phoub, vitar gar anenn le djob dren.

1. Mose 45:6 ပူးပေါင်းရင်းမြစ်များ

1. Mose 37:2

Kowa hi ko liil, kai tchinlo hi pral o Jakobeskre tchawende. O Josef, i terno mursh, – job his deesh-te-efta bersha phuro, – das jak ap i bakrende khetne peskre phralentsa. Kolla his i tchawe leskro dadeskre romjendar, i Bilha un i Silpa. Un te kran leskre phrala tchilatcho koowa, penas lo kowa pengro dadeske.

1. Mose 41:35

Un tchiwenn ko djob khetne un anenn les an i forja. Un o baro rai mu dell garda, kai kowa jaake kerdo wella.

1. Mose 41:46

O Josef his 30 (trijanda) bersha phuro, har das les o baro rai pral Egiptia koi budi. Un o Josef djas peske o baro rajestar un djas an o them Egiptia trujel.

1. Mose 41:53

Un kol efta brawele bersha djan trujel an o them Egiptia.

1. Mose 41:54

Un palle wan kol bersha, kai bokenn le, jaake har o Josef penas. Un an i tsele themma bokan le. Kokres an o them Egiptia his doha chapaske.

1. Mose 41:56

Un i bok was bareder. An o tselo them his i menshen gar doha te chal. Koi kras o Josef i wudja pre an kol tsele khera, kai djob dren hi. Un bikras o djob ap i Egiptarja.

1. Mose 47:18

O wawar bersh wan le pale pash leste un penan ap leste: “Miro rai, mer dam tut mare lowe un mare viechen. Men hi buder tchi, hoi mer tut nai dah. Kanna le men un maro them!

1. Mose 47:23

Un o Josef penas ap i menshende: “Kau diwes ginom tumen un tumaro them o baro rajeske. Ake, kau djob tchiwrenn nai an i phub.

2. Mose 34:21

Shob diwessa krenn tumari budi! Ap o eftato diwes krenn tchi! Kowa te well jaake hako tsireske, ninna ko tsireske, kai tumer budrenn ap tumaro kotar phub un kai tumer anenn o djob dren.

Jesaja 30:24

Un kol grumja un burike, kai ap i hachetikri phub budrenn, kolla chan latcho chapen dran djoba, hoi khetne lino lenge glan tchiddo was.

5. Mose 21:4

un anenn lat tele an i telstuno them, kai i pani nashell, un hoi kek hachetikri phub hi, un kote phagenn le koi terni grumjake i meen.

1. Samuel 8:12

Hi sawe mank lende, kolendar krell lo pralstune pral peskre lurdende: pral jek sero (1.000) un ninna pral paash-sheel (50). Tumare mursh tchawe hunte budrenn ap leskro kotar phub un anenn leskro djob dren, hoi bares was. Ninna hunte krenn le leskre chare, un kol kotja, kai leskre wurdja dran kerdo wenna.